Yuuba 3:10 - Mandinka Bible

¹⁰ Kaatu a maŋ m baamaa wuluuñaŋo daa soroŋ, ka n tankandi niitooroo ma.

Yuuba 3:10 ပူးပေါင်းရင်းမြစ်များ

Yeremiya 20:17

Bayiri a maŋ m faa wuluuñaŋo kono, m baa konoo ye ke n na kaburoo ti, a ye tu konomaayaa to fo abadaa.

Kawandilaa 11:10

Niikuyaa kuwolu bondi i sondomoo to, i ye i baloo dahandi bataa la. Kaatu dindiŋyaa waatoo, niŋ fondinkeeyaa bee maŋ ke feŋ ti.

Yuuba 23:2

Hani bii nte la balaŋo be bambandiŋ m bulu le. M be ŋuntaŋ kaŋ ñaa-wo-ñaa, Alla le be n jarabi kaŋ.

Yuuba 10:1

N ñewunta n na baluwo faŋo le la. Wo kamma la, n te n deyi la n na bataa kuwo saatoo la. Meŋ ye a tinna n na baluwo be kuniyaa la m bulu, a ñanta finti la le.

1 Samuweli 1:5

Bari Hanna, a ka talaadaa fula le dii wo la, kaatu a ye a kanu le, aduŋ Yaawe maŋ ate so diŋo la.

1 Musa 29:31

Kabiriŋ Yaawe* ye a je ko, Yaakuba la kanoo semboo maŋ wara Leya kaŋ, a ye Leya konoo yele. Bituŋ Raheli, wo keta jiidibaloo ti.

Yuuba 3:9

A luŋo subaalooloolu ye dibi, a ye tara i yillaariŋ maloo la, bari a kana a soto fereŋ. A luŋo kana hani siiliŋo la boo je.

Yuuba 3:11

Muŋ ne ye a tinna m maŋ faa n wuluu waatoo, ŋa bo wuluuñaŋo kono doroŋ, ŋa tambi?