Yuuba 28:18 - Mandinka Bible

¹⁸ Korali bere ñiimaalu niŋ bere ñeliñelilaalu, hani niŋ wolu la kuma maŋ fo. Ñaameŋo daa, wo le koleyaata ka tambi luuluwo la.

Yuuba 28:18 ပူးပေါင်းရင်းမြစ်များ

Kuma Kotoomaalu 3:15

Ate le kummaayaata ka tambi luuluwo la, aduŋ i lafinna feŋ te jee, a niŋ meŋ si tembe.

Esekiyeli 27:16

“Edomunkoolu fanaa ka waafiroo ke i yaa le, kaatu i ye marisandiisi siifaa jamaa le soto. I ka ñarandiri feŋolu, borodeelu, soobayi faani ñiimaalu, aniŋ bere ñiimaalu, mennu mu kuloori siifaa jamaa ti, faliŋ niŋ i la marisandiisoolu la le.

Niikuyaa Suukuwolu 4:7

Hee, Yerusalaamu maralilaalu la seneyaa mulunta le ko perekaanoo, ka tambi hani keekewo la, ì jaatoolu be bambandiŋ ko beroo, ì muluŋo be ñiiñaariŋ ko safiiri beroo.

Kuma Kotoomaalu 31:10

Jumaa le si musu kendoo soto noo? Musu kendoo le jarita ka tambi luuluwo la.

Lankenemoo 21:21

Saatewo dundaŋ daa* taŋ niŋ fuloo dadaata pemu foro taŋ niŋ fula le la. A dundaŋ daalu meŋ-wo-meŋ dadaata niŋ pemu kiliŋ ne la, aduŋ a mbeedoolu dadaata niŋ saniforoo le la, a be faramansariŋ ko weeroo.

Lankenemoo 18:12

Ì ye fiirifeŋolu mennu samba, wolu mu sanoo le ti, kodiforoo, bere ñiimaalu, pemoolu, fulaari ñiimaalu, bayi wuluyeloo, soyoolu, bayi wuleŋolu, babara seera diimaa siifaa bee, jooraŋo siifaa bee mennu dadaata samañiŋo waraŋ babara daa koleŋolu la, jaawaloo, newo aniŋ bere daa jawoo.

Lankenemoo 17:4

Wo musoo parendita sitifeŋ wuleŋo niŋ wuluyeloo le la. A la ñarandiri feŋolu mu sanoo le ti, bere ñiimaalu aniŋ pemoolu. Sani mindaŋo be a buloo kono, meŋ be faariŋ niŋ feŋ haraamuriŋolu la, aniŋ a la laañooyaa tuluŋ feŋ nooriŋolu.

1 Timoti 2:9

Aduŋ musoolu la karoo la, n lafita le, ì kana ì paree faŋ yitandoo kamma la, bari ì si ì paree horomoo kono, meŋ niŋ kuwolu si taa ñoo la. Ì kana ì faŋolu ñarandi niŋ deberi ñarandi feŋolu la, waraŋ sanoo, pemoolu, aniŋ sitifeŋ daa koleŋolu la.

Matiyu 7:6

“Ali kana feŋ senuŋolu dii wuloolu la, kaatu ì be ali boyinkaŋ na le, aduŋ ali kana ali la pemoolu fayi seewoolu ye, kaatu ì be ì dori la ì siŋolu la le.

Kuma Kotoomaalu 8:11

Kaatu ñaameŋo le fisiyaata luuluwo ti, aduŋ i lafinna feŋ te jee, a niŋ meŋ si tembe.

Kuma Kotoomaalu 3:13

Barakoo be moolu le ye, mennu ye ñaameŋo ñini, ì ye a soto, aniŋ moolu mennu ye kalamutaroo ke.

Kuma Kotoomaalu 20:15

Sanoo siyaata, luuluwo buka yaatee noo, bari londitiyo sotoo maŋ feeyaa.