Yuuba 28:12 - Mandinka Bible

¹² Bari ñaameŋo, wo sotodulaa be tara la mintoo le, aniŋ fahaamuroo dulaa be mintoo le?

Yuuba 28:12 ပူးပေါင်းရင်းမြစ်များ

Yankuba 1:5

Niŋ moo dasata ñaameŋo la ali kono, wo maarii si Alla daani, aduŋ a be ñaameŋo dii la a la le. Ate le ka diiroo ke moolu bee la a ñaama, jalayiribaliyaa kono.

Yuuba 28:20

Wo to ñaameŋo, a ka bo naŋ mintoo le, fahaamuroo dulaa be mintoo le?

Kuma Kotoomaalu 3:19

Ka bo niŋ ñaameŋo le la, aniŋ fahaamuroo, Yaawe ye saŋo niŋ bankoo daa.

Kolosankoolu 2:3

Ñaameŋo niŋ londoo fankoo bee be maaboriŋ ate Kiristu le kono.

Yankuba 1:17

Soorifeŋ-wo-soorifeŋ meŋ beteyaata aniŋ meŋ timmata, ì bota naŋ m̀ Faamaa le yaa, meŋ ye malafeŋolu daa. A buka faliŋ, aduŋ a maloo te ke noo la niiniyo ti.

Yuuba 28:28

Bituŋ a naata a fo hadamadiŋolu ye ko, “Tooñaa-tooñaa, nte Maariyo ñaasilaŋo, wo le mu ñaameŋo ti, aniŋ ka fata kuu jawu kewo ma, wo le mu fahaamuroo ti.”

Jabuuroolu 51:6

Ite ye konotoseneyaa niŋ tooñaa le kanu, wo kamma la n karandi, ka ñaameŋo ke n sondomoo kono.

1 Mansoolu 3:9

Wo to fahaamuroo hakiloo dii i la dookuulaa la ka i la moolu mara, ka ñiŋ noo ka kuu betoo niŋ kuu jawoo bo ñoo to. Kaatu niŋ wo nte, jumaa le si i la ñiŋ moo baalu mara noo?”

Yuuba 28:11

Ì ka boloŋ feñoolu to siŋ, ka duuma feŋolu wañakati naŋ.

Yuuba 28:23

Alla doroŋ ne ye a taaraŋ siloo loŋ, aduŋ ate le fanaa ye a dulaa loŋ.

Kawandilaa 7:11

Ñaameŋo beteyaata le ko keetaafeŋo, aduŋ a ka moolu nafaa le, mennu be ñiŋ duniyaa tiloo koto.