Yuuba 26:8 - Mandinka Bible

⁸ A ye minaayoo ke samaajiyo ye keraŋo ti, hani niŋ a kuliyaata a kono ko muŋ, ì buka feteŋ a fee.

Yuuba 26:8 ပူးပေါင်းရင်းမြစ်များ

Kuma Kotoomaalu 30:4

Jumaa le taata fo Arijana, a muruta naŋ? Jumaa le nene ye foñoo muta noo a buloo kono? Jumaa le ye jiyo fudi noo a la dendikoo kono? Jumaa le ye duniyaa tonkoŋ naanoo bee loo? A too ndii, aniŋ a dinkewo fanaa too ndii? A fo n ye, niŋ i ye a loŋ!

Yeremiya 10:13

Niŋ a kumata, jii jamaa le ka bumbuŋ saŋ fatoolu kono, a ka tawaloolu wulindi ka bo duniyaa daŋolu bee to. A ka saŋ ŋalasoo niŋ samaajiyo le jindi, a ye foñoo fee naŋ ka bo a la foñobuŋolu kono.

Yesaya 5:6

M be a ke la doodulaa nafantaŋo le ti, n te a yiribuloolu kuntu la n te a juwo koto bindee la. Ŋaniŋolu si faliŋ jee! M be saŋo yaamari la le, a kana samaa jindi jee.

Jabuuroolu 135:7

Ate le ka tawaloolu ke santo duniyaa daŋolu to, a ka saŋ ŋalasoo ke samaajiyo ye, aduŋ a ka foñoo bondi naŋ a la foñobuŋolu le kono.

Yuuba 38:37

Jumaa le ye ñaameŋo soto ka saŋ tawaloolu yaatewo loŋ noo? Jumaa le ka samaajiyo yelema ì kono naŋ ko jiibindaa,

Yuuba 38:9

Nte le ye baa muuri saŋ tawaloolu la, ŋa a moromoro dibi fiŋ baa kono.

Yuuba 36:29

Jumaa le si a fahaamu noo a ka saŋ tawaloolu feenee ñaameŋ, a ka a tinna saŋ feteŋo ka ke ñaameŋ, ka bo a la mansabaayaa palaasoo to?

Jabuuroolu 147:8

A ka saŋo bala bee ke tawaloolu le ti, a ye sanjoo jindi naŋ bankoo kaŋ, a ye ñaamoo falindi konkoolu kaŋ.

Kuma Kotoomaalu 8:28

N tarata nuŋ jee le, biriŋ a be minaayoo ke la saŋo bala, kabiriŋ a be baa fandi kaŋ niŋ jiyo la.