Yuuba 26:14 - Mandinka Bible

¹⁴ Bari ñiŋ mu a la mansabaayaa kono kuundiŋ ne ti, ǹ ka domandiŋ doroŋ ne moyi. A semboo be le ko saŋ feteŋo, moo buka Alla la waroo daŋo loŋ noo.

Yuuba 26:14 ပူးပေါင်းရင်းမြစ်များ

Jabuuroolu 145:3

Yaawe* warata le, a ñanta jayi la le famfaŋ, a la waroo tambita sumaŋo la le.

Jabuuroolu 139:6

I ye loŋo meŋ ke n na, a kaawakuuyaata m fee le, a tambita n kunna le, n na fahaamuroo maŋ futa a ma.

Roomankoolu 11:33

“Tooñaa, Alla la fankoo warata le, a la ñaameŋo niŋ londoo! Moo buka a la kiitiyolu kisikisi noo, a la siloolu buka loŋ noo.”

Jabuuroolu 29:3

Yaawe kumakaŋo jiita baajiyolu kaŋ, Alla, Mansa Kallankewo bumbunta, aduŋ a kumakaŋo ye i danku fankaasoolu to.

Yuuba 40:9

Fo i ye semboo soto le baŋ ko nte Alla, fo i si diyaamu noo baŋ ko nte Alla, komeŋ saŋ feteŋo?

Yuuba 36:29

Jumaa le si a fahaamu noo a ka saŋ tawaloolu feenee ñaameŋ, a ka a tinna saŋ feteŋo ka ke ñaameŋ, ka bo a la mansabaayaa palaasoo to?

Yuuba 4:12

Kiilaariyaa kumoo naata n kaŋ kulloo kono, ŋa a feresoo le moyi.

1 Samuweli 2:10

Moolu mennu ye Yaawe soosoo, wolu be kasaara la le. A be sari la ì kaŋ ne ko saŋ feteŋo ka bo saŋo kono ñaameŋ. Yaawe be duniyaa bee kiitindi la le. A be semboo dii la a la mansa la le. A be a la tomboŋ moo la dawuloo wulindi la le.

Yuuba 37:4

Saŋ ŋalasoo koolaa, saŋ feteŋo si naa bula a nooma, a si feteŋ Alla la mansabaayaa semboo kaŋ. Saŋo si naa ŋalasi kotenke, Alla le ka ì kii naŋ, niŋ a be diyaamu kaŋ.

Yuuba 37:5

Alla ka kuma le ko saŋ feteŋo, aduŋ a moyoo jaakaloo warata. A ka kuu baa jamaa le ke, m̀ buka mennu fahaamu noo.

Yuuba 42:5

N ka i la kuwo doroŋ ne moyi, bari saayiŋ n ñaa faŋo le ye i je.

Habakuki 3:4

A malamalañaa ka muluŋ ne ko tiloo, bammoo fintita naŋ a maafaŋo la, a la mansabaayaa semboo be maaboriŋ daameŋ to.

Kawandilaa 11:5

Ko i maŋ a loŋ ñaameŋ baluwo niijii foñoo ka naa deenaanoo kaŋ ñaameŋ, baa wuluuñaŋo kono, i maŋ Alla fanaa la keroo loŋ wo le ñaama, ate meŋ ye feŋolu bee daa.