Yuuba 26:12 - Mandinka Bible

¹² A la semboo le ye baajiyo mara, a la noo, a ye daafeŋ Rahabu kasaara wo le la.

Yuuba 26:12 ပူးပေါင်းရင်းမြစ်များ

Yesaya 51:15

Kaatu nte le mu Yaawe ali la Alla ti, meŋ ka baajiyo maamandi, fo baa baliŋolu si bumbuŋ. Yaawe Alihawaa Maariyo* le mu n too ti.

Yeremiya 31:35

Yaawe le ye tiloo bondi ka mala tilibuloo la, aniŋ karoo niŋ looloolu ka mala suutoo la. Ate le ka baa maamandi, a jiibaliŋolu ye kuma. A too mu Yaawe Alihawaa Maariyo le ti, aduŋ a ye ñiŋ ne fo ko:

Yesaya 51:9

Wuli, wuli Yaawe, i ye i semboo taa! Wuli, ko i ye a ke nuŋ ñaameŋ folooto. Fo ite le maŋ wo daafeŋ saŋarariŋ baa Rahabu faa baŋ? Ite le ye a soo fo i ye a faa, i ye a kuntuŋ-kuntuŋ.

Yuuba 12:13

Bari ñaameŋo niŋ semboo be Alla le bulu, ate le mu yaamaroo diilaa ti, aniŋ fahaamuroo.

Yuuba 9:13

Alla buka sabari a la kamfaa kaŋ. Daafeŋ Rahabu maakoyilaalu, wolu faŋo ka mosimosi ate le koto.

Yankuba 4:6

Bari Alla ye hiinoo meŋ dii, wo ka tu kafu la le doroŋ. Wo kamma la, a be safeeriŋ ne ko: “Alla ka balaŋ faŋ wara moolu ma le, bari a ka hiina moolu la le, mennu ye i fammajii.”

Daniyeli 4:37

Saayiŋ, nte Nebukanesa ye Arijana Mansoo tentu, ŋa a jayi, aduŋ ŋa a horoma le. A ka kuwo bee taamandi tiliŋo niŋ tooñaa le la, aduŋ niŋ moo-wo-moo ye a faŋ sikandi, a be a maarii jindi la le.

Yesaya 2:12

Yaawe Alihawaa Maariyo* ye luŋ ne tomboŋ, luŋo meŋ a be faŋ wara moolu, faŋ sikandilaalu, aniŋ kibiri moolu bee la kuwo jindi la.

Jabuuroolu 74:13

Ite le ye jiyo talaa fula ti ka bo niŋ i semboo la, i ye baakono daafeŋ baalu kuŋolu teyi.

Jabuuroolu 29:10

Yaawe le be marariŋ baajii diinondiŋolu ma. A la mansayaa le be tu la fo abadaa.

Yuuba 26:11

Niŋ a ye saŋo biliyolu maamandi, ì si jiijaa, ì ye jarajara, silaŋo kamma la.