Yuuba 24:6 - Mandinka Bible

⁶ Ì ka tara siimaŋ karaŋo la fankamaalu la kunkoolu le kono, ì ye tara wayini* yiridiŋ feefewo la ì la kankaŋolu kono.

Yuuba 24:6 ပူးပေါင်းရင်းမြစ်များ

Mika 6:15

Ali si fiiroo ke, bari ali te a munafaŋo soto la. Ali si olifu yiridiŋolu biti, bari ali te a tuloo nafaa soto la. Ali si wayini* yiridiŋolu biti, bari ali te a jiyo miŋ na.

5 Musa 28:51

Ì be ali la beeyaŋolu niŋ ali la siimaŋolu bee le domo la, ì te feŋ tu la ali ye, biriŋ siimaŋ kesoo to, wayini kutoo, olifu tuloo, ali la ninsoolu, saajiyolu niŋ baalu, ì be ì bee le taa la ali bulu, ali ye labaŋ kasaara la.

5 Musa 28:33

Ali la senefeŋolu aniŋ ali la dookuu koteŋo tinewo, banku koteŋo moolu le be ì domo la, ali maŋ mennu loŋ. Aduŋ niitooroo niŋ tilimbaliyaa le be tara la ali kaŋ, daŋ te ke la meŋ na.

Yuuba 24:5

Ñiŋ fuwaaroolu ka finti le ka dookuwo ke wuloo kono ko faloo. Ì ka tara domori ñinoo le la wuloo kono ka ì la dimbaayaalu tambindi a la.

Yuuba 24:7

Duŋ feŋ buka tara ì la, ì kenseŋolu le ka i laa suutoo, ì buka feŋ soto, ì be i muuri la meŋ na sumayaa waatoo la.

Yuuba 24:18

Waamoo le ka moo kuruŋolu samba kataba kiliŋ, aduŋ ì tarata bankoo meŋ kaŋ, Alla la dankoo le ka tara a kunna. Ì buka muru noo ì la wayini yiri kankaŋolu to kotenke.

Yuuba 31:39

M buka a munafaŋo domo, fo niŋ ŋa a la kuwo topatoo foloo, aduŋ n nene maŋ jikilateyi kuu ke a dookuulaalu la.