Yuuba 24:23 - Mandinka Bible

²³ Alla ka ì bula le ì ye a miira ko, ì be tankoo le kono, bituŋ ì ye tara jikiriŋ wo la. Bari a ka tara ì la kuwolu koroosi kaŋ ne.

Yuuba 24:23 ပူးပေါင်းရင်းမြစ်များ

Kuma Kotoomaalu 15:3

Yaawe* ka dulaalu bee le je, a ka a hakilitu moo jawoolu niŋ moo kendoolu to le.

Lankenemoo 2:23

M be a diŋolu faa la le. Wo to le, n na kafoolu bee be a loŋ na ko, nte le mu wo ti, meŋ ka sondomoolu niŋ hakiloolu kisikisi, aduŋ m be alitolu meŋ-wo-meŋ joo la a la kebaaroolu la le, a jarita meŋ na.

1 Tesalonikankoolu 5:3

Niŋ moolu ko, “Kayiroo niŋ tenkuŋo le be keriŋ,” bituŋ waati kiliŋ doroŋ, kasaaroo si boyi ì kaŋ ko tiŋo ka boyi musukonomaa kaŋ ñaameŋ, moo te kana noo la a ma.

Luka 12:45

Bari niŋ wo dookuulaa ko a faŋ ye ko, ‘A be mee la le, janniŋ m maariyo be naa la,’ bituŋ a ye a dati ka a dookuuñoo musoolu niŋ kewolu buutee, a ye a dati ka domoroo niŋ miŋo ke fo a ka siira.

Habakuki 1:13

I jankuta wo ti le, i ñaa ye loo kuu kuruŋo kaŋ, i buka muña kuu kuruŋo kaŋ. Wo to muŋ ne ye a tinna i be soŋ na jamfaalaalu ye kuu ke noo? Muŋ ne ye a tinna i tuta deyiriŋ biriŋ ñiŋ moo kuruŋolu be moolu tumbuŋ kaŋ, mennu tilinta itolu ti.

Amosi 9:2

Hani niŋ ì ye dinkoo le siŋ fo laakira, n si ì fintindi naŋ a kono. Hani niŋ ì seleta le fo saŋ fatoo to, n si ì jindi naŋ duuma.

Amosi 8:7

Alitolu Yaakuba koomalankoolu, ali ka kibiri Yaawe meŋ na, a kalita ñiŋ ne la ko: “N nene te ñina la ali la baara jawu la muk.

Yesaya 56:12

Ì ko ñoo ye ko, “Ali naa, doloo fele! Ali ŋà a miŋ fo a ye ǹ sii. Saama be ke la le ko bii, waraŋ a ye tambi bii la.”

Kawandilaa 8:11

Moolu be naafa la kuu jawu kelaalu jaraboo la doroŋ, hadamadiŋolu sondomoo be wajabi la kuruŋyaa kuu kewo kaŋ.

Kawandilaa 5:8

Niŋ i ye a je tundoo kaŋ, ì be fentaŋolu toorandi kaŋ, tiliŋo niŋ tooñaa taata, kana jaakali a kuwo la. Kaatu kantiyolu le ka ñoo kuburu. Aduŋ ì la ñaatonka baalu le ka ì tanka.

Kuma Kotoomaalu 5:21

Yaawe* ye hadamadiŋo taañaa bee loŋ ne, aduŋ a ka a la siloolu bee koroosi le.

Yuuba 12:6

Suŋolu yaa ka tara sumayaariŋ ne, aduŋ Alla sookilaalu fanaa ka tara tankoo kono le. Ì ka tara jikiriŋ ì fansuŋ semboo le la ko i la Alla.

Yuuba 11:11

Ate Alla le ye loŋo ke moolu la, mennu mu moo kenseŋolu ti. Niŋ kuu kuruŋo keta, a ka tara londiŋ a la le.

Yuuba 10:4

Fo ite fanaa ka kuwolu juubee niŋ hadamadiŋ siloo le la baŋ? Fo i la ì fahaamuñaa ka ke le ko ntolu baŋ?

Yuuba 31:4

Fo Alla maŋ tara n taaraŋ siloolu je kaŋ baŋ, n na simfaa-wo-simfaa, a be londiŋ a bee ma le?

Yuuba 34:21

Alla ka hadamadiŋo la taaraŋ siloolu koroosi le, a ye simfaa-wo-simfaa taa, Alla ñaa ka tara a la le.

Jabuuroolu 119:168

N ka i la yaamaroolu niŋ karandiroolu muta le, baawo i ka m baluuñaa bee le je. Tawu

Jabuuroolu 10:5

A ka firiŋo soto a baluuñaa bee le to, a la jeroo buka futa Alla la kiitiyo ma. A ka a jawoolu bee ñaawali le.