Yuuba 24:19 - Mandinka Bible

¹⁹ Niŋ kandoo ye kalaasi dunkuliŋo yooyi, bankoo ka a jiyo suusuu ñaameŋ, kaburu bankoo ka junubelaalu suusuu wo le ñaama.

Yuuba 24:19 ပူးပေါင်းရင်းမြစ်များ

Luka 16:22

“Wo fuwaaroo naata faa, malaayikoolu ye a samba Iburayima fee. Fankamaa fanaa faata, ì ye a baadee.

Jabuuroolu 49:14

Ì tombonta le ka faa komeŋ saajiyolu, saayaa be ì kenkeŋ na le komeŋ kantarilaa. Moo tilindiŋolu be dori la ì kaŋ ne soomandaa, ì baloolu ye tara toli kaŋ kaburoo kono, daameŋ jamfata ì la koridaa ñiimaalu la.

Yuuba 21:13

Ì ka ì la baluu tiloolu bee ke niidiyaa le kono, ì ñiimaa ye taa kaburoo kono.

Luka 12:20

“Bari Alla ko a ye ko, ‘Ite toolewo! Ñiŋ suutoo faŋo le la, m be i niyo taa la i bulu. Wo to i ye feŋolu mennu maabo, wolu be ke la jumaa le taa ti?’

Kuma Kotoomaalu 14:32

Moo jawoo la kuu kuruŋ kewo le ka a kasaara, bari moo tilindiŋo la beteyaa, wo le ka a tankandi.

Jabuuroolu 68:2

Ko foñoo ka siisiyo tindi taariŋ ñaameŋ, Allamaa a ye ì bayi wo ñaama. Ko dimbaa maloo ka kaañoo yeluŋ ñaameŋ, Allamaa moo kuruŋolu ye kasaara Alla ñaatiliŋo la wo ñaama.

Yuuba 21:23

Moo doolu taata le fo ì faata, ì balajaatoo be kereyaariŋ. Ì maŋ silandaa kuu-wo-kuu soto.

Yuuba 3:13

Niŋ wo nte nuŋ, m be tara la laariŋ ne, m be deyiriŋ, m be tara la siinoo le la, aduŋ m be tara la dahaa le kono.