Yuuba 24:15 - Mandinka Bible

¹⁵ Jeenelaa kewo ñaa ka tara looriŋ tiliboyoo doroŋ ne kaŋ, a ka a miira le, moo ñaa te loo la a kaŋ, bituŋ a ye a ñaadaa maabo.

Yuuba 24:15 ပူးပေါင်းရင်းမြစ်များ

Jabuuroolu 10:11

A ka ñiŋ ne fo a faŋ ma ko, “Alla daa te n na kuu to. A ye a ñaa kaasi n na le. A nene te n je la.”

Esekiyeli 9:9

Wo to le, a ye n jaabi ko, “Banisirayilankoolu niŋ Yahuuda moolu la kuruŋyaa landatambita le. Ì ye ì la bankoo kaŋ bee fandi niŋ moofaa niŋ tilimbaliyaa kuwolu le la. Ì ka naa a fo ko, ‘Yaawe ye a daa bondi ǹ na bankoo la kuwo to le, a buka ǹ je.’

Esekiyeli 8:12

Wo to le a ko n ye ko, “Hadamadiŋo, i ye a je le Banisirayila alifaalu be meŋ ke kaŋ kulloo kono baŋ? Ì bee ye jalaŋolu le soto ì la buŋolu kono. Ì ka ñiŋ ne fo ko, ‘Yaawe buka ǹ je, kaatu a ye a daa bondi ǹ na bankoo la kuwo to le.’ ”

Jabuuroolu 94:7

aduŋ ì ka a fo le ko, “Yaawe te a loŋ na, Yaakuba koomalankoolu la Alla te a kalamuta la.”

Jabuuroolu 73:11

Ì ye ñiŋ ne muta ko Alla te a loŋ na, ko Mansa Tallaa te wo loŋ noo la.

Jabuuroolu 50:18

Hani suŋo niŋ ali ye a je, ali niŋ a ka kafuñooyaa le, aduŋ ali niŋ jeenelaalu le ka kuukeñooyaa.

2 Samuweli 12:12

Ite ye junube kuwo ke kulloo le kono, bari nte be ñiŋ kuwo ke la i la tili kuntee baa le la Banisirayilankoolu bee ñaa la.”

2 Musa 20:14

Ali kana jeenoo ke.

Yuuba 31:9

Niŋ a ye a tara n nene ka hame n siiñoo la musoo la, ka a batu, ka dende a ye a la bundaa kooma,

Kuma Kotoomaalu 7:7

ŋa moolu je mennu maŋ kalamutari ke, wo moolu kono, ŋa fondinkewo je, meŋ mu hakilintaŋo ti.