Yuuba 23:13 - Mandinka Bible

¹³ Bari ate dammaa le be looriŋ a faŋ ye, jumaa le si a la feeroolu yelemandi noo? Meŋ diyaata ate ye, a ka wo le ke.

Yuuba 23:13 ပူးပေါင်းရင်းမြစ်များ

Jabuuroolu 115:3

Ǹ na Alla be Arijana kono le, meŋ diyaata a ye, a ka wo le ke.

Kuma Kotoomaalu 19:21

Moo ka kuu jamaa feere a sondomoo kono le, bari Yaawe taa le ka ke kuu looriŋo ti.

Daniyeli 4:35

Duniyaa moolu bee buka muluŋ a ñaa koto feŋ ti. A la lafoo mu meŋ ti, a ka wo le ke malaayikoolu kono santo, aniŋ hadamadiŋolu kono duuma. Moo te a la keroo baayi noo la, waraŋ ka a ñininkaa a kekuwo la.

Yesaya 46:10

“Kuwolu koolaa be ke la meŋ ti, ŋa a fo ali ye le kabiriŋ. Koomanto ŋa a fo ali ye le, meŋ be naa ke la. N ko, n na feeroolu te tiñaa la, n lafita feŋ-wo-feŋ na, m be wo le ke la.

Yuuba 12:14

Niŋ a ye feŋo meŋ tiñaa, moo te a dadaa noo la. Niŋ a ye moo meŋ soroŋ, moo te a fintindi noo la.

Kawandilaa 3:14

Ŋa a loŋ ne ko, Alla ye kuu-wo-kuu ke, wo le be tu la fo fawu. Feŋ te lafaa noo la a kaŋ, sako feŋ si talaa a bala. Alla ye ñiŋ ke le, i si a je moolu si a kuliyaa.

Jabuuroolu 135:6

Meŋ diyaata Yaawe ye, a ka wo le ke, Arijana niŋ duniyaa kono, fankaasoolu niŋ diinoŋolu kono.

Kawandilaa 1:15

Meŋ jenketa, wo buka tilindi noo, aduŋ feŋ sotobaloo, wo buka bula noo kontiri kono.

Yankuba 1:17

Soorifeŋ-wo-soorifeŋ meŋ beteyaata aniŋ meŋ timmata, ì bota naŋ m̀ Faamaa le yaa, meŋ ye malafeŋolu daa. A buka faliŋ, aduŋ a maloo te ke noo la niiniyo ti.

Roomankoolu 9:19

Doo si n ñininkaa ali kono ko, “Muŋ ne duŋ ye a tinna Alla ka moolu jalayi hani saayiŋ? Jumaa le ka balaŋ noo a la lafoo la?”

Yuuba 34:29

Niŋ Alla maŋ kuu ke a noo to, jumaa le be a tuumi noo la a la? Niŋ a ye a faŋ maabo, jumaa le be a je noo la, fo moo kuŋ kiliŋ, waraŋ fo jamaa?

Yuuba 11:10

Niŋ a naata, a ye i soroŋ bunjawoo kono, a ye i londi kiitiyo ñaatiliŋo la, jumaa le si i loo noo a fee?

Yuuba 10:7

Ite ye a loŋ ne ko, nte maŋ boyi, aduŋ ko, moo te n tanka noo la ite bulu.

Yuuba 10:13

Bari ñiŋ kuwolu tarata maaboriŋ i kono le, aduŋ ŋa a loŋ ne ko, wo waatoo bee la ñiŋ ne be i hamoo to:

Yuuba 23:12

N nene maŋ a la yaamaroolu soosoo dooto. A fokumoolu, wolu le be m bulu.

Yuuba 23:14

A ye meŋ safee n kunto, fo a ye wo baŋ, aduŋ wo kuu siifaa jamaa le be a kono.

Yesaya 46:11

Ŋa kewo kumandi le ka bo banku jamfariŋo to, tilibo karoo la, ka n na dookuwo taamandi. A be jii la naŋ ne ko seeliŋo. Ŋa meŋ fo, m be wo le ke la, ŋa meŋ feere, m be wo le taamandi la.