Yuuba 22:22 - Mandinka Bible

²² M batu ate Alla faŋo ye i kawandi, i ye a la kumakaŋolu muta i sondomoo kono.

Yuuba 22:22 ပူးပေါင်းရင်းမြစ်များ

Jabuuroolu 119:11

Ŋa i la kumoolu muta n sondomoo kono le, ñiŋ kamma la n kana junube kuu ke i la.

Yuuba 23:12

N nene maŋ a la yaamaroolu soosoo dooto. A fokumoolu, wolu le be m bulu.

Yeremiya 15:16

Ŋa i la kumoo kiliŋ-kiliŋ tomboŋ ne, ŋa a ke ko n na domoroo, aduŋ i la kumakaŋolu keta n ye seewoo le ti, aniŋ jusulaa. Hee Yaawe Alihawaa Maariyo*, i tooyaa le be n kunna.

Kuma Kotoomaalu 4:21

Kana soŋ ì ye bo i la karoo la, ì maabo i sondomoo kono,

Kuma Kotoomaalu 4:4

m faamaa ka n karandi le, a ka a fo n ye ko, “N na kumoo muta i sondomoo kono, i ye n na yaamaroo nooma, wo le be i balundi la.

Luka 2:19

Bari Mariyaama ye ñiŋ kuwolu bee maabo a sondomoo kono le, aduŋ a ye i miira baake.

Matiyu 13:52

Bituŋ a ko ì ye ko, “Luwaa karammoo-wo-Luwaa karammoo* meŋ keta Arijana mansabaayaa la saayiboo ti, a ka munta le ko koridaatiyo, meŋ ka feŋ kutoolu niŋ feŋ kotoolu fintindi ka bo a la maaboridulaa.”

Matiyu 12:35

Moo betoo ka kuu betoolu le fintindi ka bo a sondomoo kono, meŋ be faariŋ beteyaa la. Aduŋ moo jawoo ka kuu jawoolu le fintindi ka bo a sondomoo kono, meŋ be faariŋ jawuyaa la.

Luka 2:51

Wo to le Yeesu niŋ ì muruta Nasareti. A tuta ì la yaamaroolu muta la. A baamaa ye ñiŋ kuwolu bee maabo a sondomoo kono le.

Yuuba 6:10

Wo le be ke la nte la dahaa ti. N si podiŋ-podiŋ seewoo kamma la, m be dimi jawoo kono ñaa-wo-ñaa, kaatu m maŋ Mansa Senuŋo la yaamaroolu soosoo.

Esekiyeli 3:10

A ko n ye ko, “Hadamadiŋo, i hakiloo tu ñiŋ kumoolu to n ka mennu bee fo i ye, i si i lamoyi kendeke.

2 Taarika 33:13

A ye Alla daani, bituŋ Alla ye a la daaniroo moyi, a ye a la duwaa jaabi, a ye a murundi naŋ a la bankoo kaŋ Yerusalaamu ka maraloo ke kotenke. Wo ye a yitandi Manase la le ko, Yaawe le mu Alla ti.