Yuuba 22:19 - Mandinka Bible

¹⁹ Moo tilindiŋolu ñaa ka boyi itolu kuruŋolu la kasaaroo kaŋ ne, ì ye kontaani, sootaaribaloolu ye jele ì la, ka a fo ko,

Yuuba 22:19 ပူးပေါင်းရင်းမြစ်များ

Jabuuroolu 58:10

Moo tilindiŋolu be seewoo la le, niŋ ì ye moo kuruŋolu la joo je. Ì si ì siŋolu kuu moo kuruŋolu yeloo kono.

Jabuuroolu 107:42

Moo tilindiŋolu le ka ñiŋ kuwo kalamuta, ì ye seewoo, aduŋ moo jawoolu buka fotaa soto.

Jabuuroolu 52:6

Moo tilindiŋolu si ñiŋ je, ì ye masilaŋ, aduŋ i la kuwo si ì jele, ì ye a fo ko,

Lankenemoo 18:20

“Ite Arijana, seewoo a la kuwo la. Moo senuŋolu, kiilaalu* aniŋ annabiyomoolu, ali bee ye seewoo, kaatu meŋ ye kuu jawoo ke ali la nuŋ, Alla ye kiitiyo laa a kaŋ ne.”

Kuma Kotoomaalu 11:10

Saatee moolu ka seewoo le, niŋ moo tilindiŋo la kuwolu beteyaata, aduŋ maadiyaa fanaa le ka tara keriŋ, niŋ moo kuruŋo kasaarata.

Jabuuroolu 97:8

Siyoni* moolu ye ite Yaawe la kiitindiroolu moyi le, ì kontaanita, Yahuuda saatewolu fanaa seewoota.

Jabuuroolu 48:11

Siyoni moolu ye seewoo, Yahuuda saatewolu moolu ye seewoo, kaatu i la kiitiiteyoolu tilinta le.

Yuuba 9:23

Niŋ mantooroo boyita moo tilindiŋo kaŋ, kataba kiliŋ a faata, Alla ka a maarii ñaawali a la wo mantoora kuwo kaŋ ne.

Yuuba 17:8

Moolu mennu ye a miira ko, itolu tilinta le, aduŋ ì maŋ sootaari soto, wolu bee jaakalita ñiŋ kuwo la le, bituŋ ì ye a muta ko, nte mu moo kuruŋo le ti.

Jabuuroolu 64:10

Moo tilindiŋolu ye seewoo Yaawe* la kuwo la, ì ye i tuuku a la. Tiliŋo be moolu mennu sondomoo to, ì bee si a jayi.