Yuuba 22:18 - Mandinka Bible

¹⁸ Bari hani wo bee, ate Alla le ye ì la buŋolu kono fandi neemafeŋolu la. Moo kuruŋolu la feeroolu, nte niŋ wolu teemoo jamfata ñoo la le.

Yuuba 22:18 ပူးပေါင်းရင်းမြစ်များ

Yuuba 21:16

Ñiŋ moo kuruŋolu ye ñiŋ ne muta ko, ì la firiŋo be ì faŋo le bulu, bari nte maŋ haaji soto wo miira siifaa to.

Yuuba 12:6

Suŋolu yaa ka tara sumayaariŋ ne, aduŋ Alla sookilaalu fanaa ka tara tankoo kono le. Ì ka tara jikiriŋ ì fansuŋ semboo le la ko i la Alla.

Kiilaalu 14:17

Bari hani wo, a ka yita le ko ate be keriŋ ne, kaatu a ka tu kuu betoolu ke la ali ye le. A ka samaajiyo dii ali la, a ka ke ali ka katiroo ke a waatoo la, a ka ali daañini, aniŋ ka ali sondomoolu fandi niŋ seewoo la.”

1 Samuweli 2:7

Yaawe le ka fuwaareyaa niŋ fankamaayaa ke, a ka jindiroo ke, a ka sikandiroo ke.

Yeremiya 12:2

Ite le ye ì tutu ko yiroo, ì ye suloo duŋ. Ì ka faliŋ ne, ì ye diŋ. Ì ka tu i la kuwo fo la ì daa le la, a ye a tara ì sondomoo jamfata i la baake le.

Jabuuroolu 17:14

Yaawe, ka bo niŋ i semboo la, n tanka moo halakiriŋolu ma, mennu la joo mu duniyaa kuwo doroŋ ne ti. Allamaa i ye ì soodindi jaraboo la, i ye meŋ maabo ì kamma. Allamaa ì diŋolu taa ye tambi wo la, fo too ye tu ì koomalankoolu ye.

Jabuuroolu 1:1

Barakoo be moo le ye meŋ buka taama niŋ moo kuruŋolu la yaamaroo la, waraŋ ka bula junubelaalu la siloo nooma, waraŋ ka tara siiriŋ ñaawalilaalu kono.

Kiilaalu 15:16

‘Ñiŋ kuwolu koolaa, m be muru la le. M be Dawuda la sabatidulaa lookuu la meŋ boyita. Ŋa a dulaa tiñaariŋolu lookuu, m be a dadaa la le ko a be nuŋ ñaameŋ.

Yuuba 10:3

Nte batandoo ye muŋ nafaa le soto ite ye? Muŋ ne ye a tinna i be balaŋ na feŋo to, ite faŋo ye meŋ daa? Muŋ ne ye a tinna, i be kuruŋolu bula la, ì la feere kuwolu be ñaatotaa soto la?