Yuuba 21:34 - Mandinka Bible

³⁴ Alitolu si nte jusoo sumayandi noo ñaadii le ali niŋ ali la kuma kenseŋolu? Feŋ maŋ tara ali la jaabiroolu kono fo faniyaa!

Yuuba 21:34 ပူးပေါင်းရင်းမြစ်များ

Yuuba 16:2

Ŋa ñiŋ siifaa jamaa le moyi. Ali ko, ali naata n sabarindi le, bari alitolu bee mu moo niitoorandilaa doroŋ ne ti.

Yuuba 32:3

A kamfaata Yuuba teeri saboo fanaa kamma le, kaatu ì maŋ sila je ka Yuuba la boyidaa yitandi, bari hani wo bee ì be a jalayi kaŋ.

Yuuba 42:7

Kabiriŋ Yaawe diyaamuta Yuuba ye, a naata a fo Elifasi Temaninkoo fanaa ye ko, “N kamfaata i kamma le, i niŋ i teeri fuloo, kaatu ali maŋ kuma fo m ma, meŋ mu tooñaa ti, ko n na dookuulaa Yuuba ye a ke ñaameŋ.

Yuuba 13:4

Alitolu ye ali la lombaliyaa dendendi faniyaa kumoolu le la. Ali ye ali faŋ ke jaaralilaa ti, ali te hani moo jaara noo la.

Yuuba 22:1

Bituŋ Elifasi Temaninkoo ye jaabiroo ke ko:

Yuuba 13:12

Ali la kuma kotoomaalu mu foño kenseŋo le ti. Ali la faŋ koto bambaŋ kumoolu maŋ bambaŋ.