Yuuba 21:31 - Mandinka Bible

³¹ Jumaa le ka haañi ka ì la kuruŋyaa kuwo waañaari ì ye ì ñaatiliŋo la? Jumaa le ka ì joo ì kebaaroo la?

Yuuba 21:31 ပူးပေါင်းရင်းမြစ်များ

5 Musa 7:10

Bari moo-wo-moo meŋ ye a koŋ, a ka wo joo kasaaroo le la. A buka tonkutonku ka moo jarabi meŋ ye a koŋ.

Kalatiyankoolu 2:11

Kabiriŋ Kefas naata Antiyoki saatewo kono, ŋa a soosoo kenebaa to le, kaatu a ye kuwo le ke, meŋ maŋ tiliŋ.

Yankuba 2:13

Kiitiyo le ka naa, meŋ buka balafaa soto moo ye, meŋ maŋ balafaa yitandi. Bari hani wo, balafaa le ye semboo soto kiitiyo ti.

Roomankoolu 12:19

N kanuntewolu, ali kana ì joo ali faŋ ye, bari wo noo to, ali Alla seyi jee, kaatu a be safeeriŋ ne ko: “Maariyo ko, ‘Julujoo mu nte le taa ti, m be n joo la le.’ ”

Kiilaalu 24:25

Bari kabiriŋ Pawulu diyaamuta tiliŋo niŋ faŋ mutoo la kuwo to, aniŋ kiitiyo meŋ be naa la, silaŋo naata duŋ Felis la, aduŋ a ye a jaabi ko, “Taa saayiŋ. Niŋ ŋa a ñaa soto, m be i kumandi la le kotenke.”

Maaka 6:18

Yaayaa ka a fo Herodi ye le nuŋ ko, “Luwaa maŋ soŋ, i ye i baadiŋo la musoo taa a bulu ka a futuu.”

Yesaya 59:13

Ŋà balaŋo niŋ jamfaa le ke Yaawe la karoo la, ka ǹ koo dii ǹ na Alla la, ka tilimbaliyaa kuwolu wulindi, aniŋ ka muriti, ka feeroo siti ka faniyaa fo.

Jabuuroolu 50:21

Ali ye ñiŋ kuwolu ke le, m be deyiriŋ, ali ye a miira nte be le ko alitolu. Silaŋ ŋa ali jalayi le, aduŋ ŋa a kuwo laa ali ñaatiliŋo la le.

Yuuba 41:11

Jumaa le la juloo be nte la ka a joo? Feŋ-wo-feŋ be saŋo muumewo koto, a bee mu nte Alla le taa ti.

Yuuba 21:19

Alitolu le ko, Alla buka jaraboo laa moo kuruŋolu kaŋ ì la junube kuwo kamma la, a ka a laa ì diŋolu le kaŋ. Bari Allamaa Alla ye ì la juloo joo ì faŋolu to, ì si a loŋ, ì ye meŋ baara.

Yuuba 21:30

Alla la kamfaa luŋo la, aniŋ a la jarabiroo luŋo la, mennu ka kana, tana buka ke ì la, wolu le mu moo kuruŋolu ti.

Yuuba 21:32

Niŋ ì taata ì dandaŋ kaburoo to, ì ka tara ì la kaburoolu kanta kaŋ ne.