Yuuba 21:30 - Mandinka Bible

³⁰ Alla la kamfaa luŋo la, aniŋ a la jarabiroo luŋo la, mennu ka kana, tana buka ke ì la, wolu le mu moo kuruŋolu ti.

Yuuba 21:30 ပူးပေါင်းရင်းမြစ်များ

Kuma Kotoomaalu 16:4

Yaawe ye feŋolu bee daa daliiloo le kamma, hani moo jawoo be a fansuŋ luŋo soto la le.

2 Pita 3:7

Bari saŋ fatoolu niŋ ñiŋ duniyaa, mennu be sotoriŋ saayiŋ, ì be sotoriŋ Alla la wo yaamari kiliŋo le kaŋ, fo ì si kasaara dimbaa la. Ì be tara la keriŋ ne fo kiitiiluŋo la, aniŋ allantaŋolu la kasaara luŋo.

Roomankoolu 2:5

Bari i sondomoo bambanta le, i maŋ soŋ tuuboo la. Wo le ye a tinna i be Alla la kamfaa baa kafu kaŋ ñoo ma i faŋo ye fo Alla la kamfaa baa luŋo la, a la kiitii tilindiŋo be lankenema la luŋo meŋ na.

Yuuba 20:28

Ì la bunkono feŋolu bee si kasaara, ka ì wafu naŋ Alla la kamfaa luŋo la.

Lankenemoo 6:17

Ì la kamfaa luŋ baa naata le, jumaa le si loo noo a ñaato?”

Yuuda 1:13

Ì be le ko fankaasoo jiibaliŋ saŋarariŋolu, ì ka malu kuwolu fintindi ko jiibaliŋolu la kankaŋo ka fuusa banta ñaameŋ. Ì be le ko looloo taamalaalu, dibi baa kataŋo mu ì taa le ti fo abadaa.

Sefaniya 1:15

A be ke la Yaawe la kamfaa luŋo le ti, kataa niŋ niitooroo luŋo, tiñaaroo niŋ kasaaroo luŋo, diboo niŋ minaayoo, niikaa niŋ dibi fiŋo luŋo.

Nahumu 1:2

Yaawe* Alla kiiliyaata le, aduŋ a ka juloo joo le, a ka juloo joo, aduŋ a ka kamfaa le famfaŋ, a ka juloo joo balannaalu to le, aduŋ a jusoo ka kandi a jawoolu kamma le.

Kuma Kotoomaalu 11:4

Naafuloo te nafaa soto la Alla la kamfaa luŋo, bari tiliŋo si moo tanka noo saayaa ma le.

Jabuuroolu 110:5

Yaawe be i bulubaa karoo la le. Niŋ a kamfaata waatoo meŋ na, a be mansoolu kasaara la le.

Yuuba 8:20

Alla te balaŋ na moo to, meŋ maŋ sootaari soto, aduŋ a te kuu jawu kelaalu so la semboo la.

Yuuba 20:29

Alla ka moo kuruŋolu la joo ke ñiŋ ne ti, Alla ka ñiŋ ne laa ì kaŋ.

Yuuba 21:17

Fo moo kuruŋolu ka kerefaa le baŋ? Fo maasiiba kuu le nene ka boyi ì kaŋ baŋ? Fo Alla nene ka a la jaraboo jindi naŋ ì kaŋ ne baŋ, a la kamfaa waatoo kono?

Yuuba 21:20

Allamaa ì faŋo ñaakesoolu ye loo ì la kasaaroo kaŋ, ì ye Alla Tallaa la kamfaa jiimaa miŋ.

Yuuba 21:29

Fo ali nene ka moolu ñininkaa le baŋ, mennu taamata? Ali ye ali hakiloo tu ì fokumoolu to le baŋ?

Yuuba 21:31

Jumaa le ka haañi ka ì la kuruŋyaa kuwo waañaari ì ye ì ñaatiliŋo la? Jumaa le ka ì joo ì kebaaroo la?

Yuuba 31:3

Fo kasaara kuwo buka laa moo jawoo le kaŋ baŋ, maasiiba kuwo ye laa moo kaŋ meŋ ka kuu kuruŋo ke?

Yuuba 40:11

Faŋ wara moolu juubee, i la kamfaa fijoo ye jii ì kaŋ, i ye ì la kuwo jindi.

Yeremiya 41:15

Bari Isimayila kanata Yohanani ma le, a niŋ a la kee seyi, ì borita Ammoninkoolu yaa.

Yosuwa 10:18

a ko ì ye ko, “Ali bere baalu birimintiŋ, ali ye ì laa berehuwo ñiŋ daa kaŋ, ali ye kewo doolu londi jee ka jee kanta.

Jabuuroolu 73:5

Ì buka mantoora ko moo doolu ka ke ñaameŋ. Bataa buka ì taki ko moo doolu.