Yuuba 21:26 - Mandinka Bible

²⁶ Bari ì bee ye ì laa ñoo kaŋ kaburoo kono le, tumboolu muurita ì bee la.

Yuuba 21:26 ပူးပေါင်းရင်းမြစ်များ

Yesaya 14:11

I niŋ i la saña wulindoo taata kaburoo kono, i la kontiŋolu maakaŋolu deyita, tumboolu ye i muuri, cooraŋolu jurumita i koto.

Kawandilaa 9:2

Ì bee labaŋo ka ke kiliŋ ne ti: A moo tilindiŋ-wo, a moo jawu-wo, a kende-wo, a kuruŋ-wo, a moo senuŋ-wo, a kosoriŋ-wo, a sadaabolaa-wo, waraŋ a sadaabobali. A be moo kendoo ye ñaameŋ, a be junubelaa fanaa ye wo le ñaama. A be kalilaa ye ñaameŋ, a be moo fanaa ye wo le ñaama, meŋ ka sila a ke la.

Yuuba 20:11

Ì balajaatoolu mennu tarata kereyaariŋ, bee labaŋo be naa ke la bankoo le ti.

Jabuuroolu 49:14

Ì tombonta le ka faa komeŋ saajiyolu, saayaa be ì kenkeŋ na le komeŋ kantarilaa. Moo tilindiŋolu be dori la ì kaŋ ne soomandaa, ì baloolu ye tara toli kaŋ kaburoo kono, daameŋ jamfata ì la koridaa ñiimaalu la.

Yuuba 24:20

Ì faŋo baañolu si ñina ì la kuwo la, tumboolu ye tuluŋ ì balajaatoolu la, moo te ì la kuu miira la. Moo kuruŋolu ka kasaara le komeŋ yiri boyiriŋo.

Yuuba 19:26

M balajaatoo tiñaata ñaa-wo-ñaa, m baloo bee banta ñaa-wo-ñaa, bari hani wo, m be Alla je la le.

Yuuba 17:14

M be kaburu dinkoo le kumandi la m faa ti, ŋa tumboolu kumandi m baa ti, aniŋ m baarimmusoolu.

Yuuba 3:13

Niŋ wo nte nuŋ, m be tara la laariŋ ne, m be deyiriŋ, m be tara la siinoo le la, aduŋ m be tara la dahaa le kono.

Yuuba 21:25

Doolu faata niitooroo kono, ì nene maŋ niidiyaa kuu nene.

Yuuba 21:27

Ŋa ali la miiroolu loŋ ne saayiŋ, aniŋ ali la feeroolu ka n tiñaa.

Kawandilaa 9:3

Kuu dimindiŋ doo fele kuwolu kono meŋ ka ke ñiŋ duniyaa tiloo koto, wo le mu ñiŋ ti ko, moo bee mu labaŋñaa kiliŋo le ti. Hadamadiŋolu bee sondomoo ka tara faariŋ kuu kuruŋo le la. Ñaamaatiyaa le ka tara ì sondomoo kono ì la baluwo waatoo la. Wo koolaa ì ye naa faa.