Yuuba 21:22 - Mandinka Bible

²² Fo moo si soto noo baŋ, meŋ si Alla karandi noo londoo keñaa la, ate meŋ ka hani malaayikoolu kiitindi?

Yuuba 21:22 ပူးပေါင်းရင်းမြစ်များ

Roomankoolu 11:34

“Jumaa le ye Maariyo la miiroolu loŋ, waraŋ ka ke a yaamarilaa ti?”

1 Korintinkoolu 2:16

A be safeeriŋ ì la kuwo to le ko: “Jumaa le ye Maariyo la miiroolu loŋ, waraŋ ka ke a yaamarilaa ti?” Bari ǹ niŋ Kiristu la miiraliñaa mu kiliŋ ne ti.

Yuuda 1:6

Aduŋ malaayikoolu fanaa mennu maŋ tu ì loodulaa to nuŋ, bari ì bota jee, wolu be tu la sitiriŋ badaa-badaa neejoloolu le la dibi baa kataŋo kono, fo Kiitiiluŋ baa ye naa.

2 Pita 2:4

Alla maŋ yamfa hani malaayikoolu ye daameŋ, biriŋ ì ye junuboo ke nuŋ, bari a ye ì fayi dinka dambaloo kono, ì be tu la sitiriŋ dibi baa kataŋo kono daameŋ fo kiitiiluŋo la.

1 Korintinkoolu 6:3

Fo ali maŋ a loŋ ko, ntolu le be malaayikoolu kiitindi la? Wo to, fo kuwolu mennu be dendiŋ ñiŋ baluwo la, wolu kiitindoo te sooneeyaa la ntolu fee baŋ?

Yesaya 45:9

Kooroo boyita moo kaŋ ne, meŋ niŋ a Daamansoo ka sonka. A maarii maŋ ke feŋ ti, fo daa telendaŋolu mennu be fayiriŋ bankoo to. Fo boo ka a fo boodaalaa ye le ko, “I ka muŋ ne daa?” waraŋ, “A maŋ dadaa kuu”?

Kawandilaa 5:8

Niŋ i ye a je tundoo kaŋ, ì be fentaŋolu toorandi kaŋ, tiliŋo niŋ tooñaa taata, kana jaakali a kuwo la. Kaatu kantiyolu le ka ñoo kuburu. Aduŋ ì la ñaatonka baalu le ka ì tanka.

Jabuuroolu 82:1

Alla siita a la mansasiiraŋo kaŋ sembetiyolu la beŋo to. A ye kiitiyo teyi ì la beŋo to le ko:

Yuuba 40:2

“I niŋ nte Alla Tallaa le be ñoo saba la baŋ? I lafita n soosoo la le baŋ? Wo to n jaabi.”

Yuuba 36:22

A je ko, Alla la mansabaayaa warata le, jumaa le mu karandirilaa ti ko ate?

Yuuba 35:11

meŋ ye ntolu so londoo la ka tambi wulakono daafeŋolu la, meŋ ye ñaameŋo dii ǹ na ka tambi kunoolu la?”

Yuuba 15:15

Alla maŋ laa hani a la malaayikoolu faŋolu le la, aduŋ hani saŋ fatoolu maŋ seneyaa a ñaa koto,

Yuuba 4:18

Alla maŋ laa a faŋo la Arijana dookuulaalu la, a ye sootaaroo je hani a faŋo la malaayikoolu to le.

Yuuba 21:21

Niŋ ì la waatoo banta, ì diŋolu la kuu buka bula ì kono kotenke.

Yuuba 36:23

Jumaa le ka a la siloolu yitandi a la, waraŋ jumaa le si a fo noo a ye ko, “Alla, i ye ñiŋ meŋ ke teŋ, a maŋ tiliŋ”?

Yuuba 38:3

I tewo siti ko kewo, m be i ñininkaa la, aduŋ i si n jaabi.

Yeremiya 23:18

Bari wo annabiyomoolu kono jumaa le kiliŋ nene ka maabee Yaawe la mansabeŋo to, ka a la kumoo moyi, aniŋ ka a fahaamu, ka i lamoyi a la kumoo la, aniŋ ka a muta?