Yuuba 21:17 - Mandinka Bible

¹⁷ Fo moo kuruŋolu ka kerefaa le baŋ? Fo maasiiba kuu le nene ka boyi ì kaŋ baŋ? Fo Alla nene ka a la jaraboo jindi naŋ ì kaŋ ne baŋ, a la kamfaa waatoo kono?

Yuuba 21:17 ပူးပေါင်းရင်းမြစ်များ

Luka 12:46

Wo dookuulaa maariyo be naa la luŋo le la, a maŋ i yillaa a ma meŋ na, aniŋ waatoo le la, a maŋ i yillaa a ma meŋ na. Wo to le kuntiyo be a kuntuŋ-kuntuŋ na, a ye a niŋ tilimbaloolu ke dulaa kiliŋ.

Matiyu 25:8

Bituŋ toolewolu ko ñaamendiŋolu ye ko, ‘Ali ǹ so ali la tuloo doo la, kaatu ǹ na lampoolu be faa kaŋ ne.’

Kuma Kotoomaalu 24:20

kaatu ñaato siniŋ moo jawoo maŋ jiki soto, aduŋ a la lampoo be dubeŋ na le.

Kuma Kotoomaalu 20:20

Niŋ i ye i baa niŋ i faa neŋ, i la lampoo be dubeŋ na le.

Kuma Kotoomaalu 13:9

Moo tilindiŋo ka mala le ko tiloo, bari moo jawoo la lampoo be dubeŋ na le.

Jabuuroolu 32:10

Moo kuruŋo niŋ kooroo jamaa le mu, bari meŋ dankeneyaata Yaawe la, wo ka tara tankariŋ a la kanu bambaloo le kono.

Yuuba 18:18

Alla be ì bondi la duniyaa kono, a be ì ñori la ka bo maloo dulaa to ka taa diboo kono.

Yuuba 21:30

Alla la kamfaa luŋo la, aniŋ a la jarabiroo luŋo la, mennu ka kana, tana buka ke ì la, wolu le mu moo kuruŋolu ti.

Yuuba 31:2

Wo to muŋ ne be ke la nte niyo ti Alla Tallaa bulu, aniŋ n na keetaafeŋo?

Yuuba 31:3

Fo kasaara kuwo buka laa moo jawoo le kaŋ baŋ, maasiiba kuwo ye laa moo kaŋ meŋ ka kuu kuruŋo ke?