Yuuba 21:13 - Mandinka Bible

¹³ Ì ka ì la baluu tiloolu bee ke niidiyaa le kono, ì ñiimaa ye taa kaburoo kono.

Yuuba 21:13 ပူးပေါင်းရင်းမြစ်များ

Yuuba 36:11

Niŋ ì ye a moyi, ì ye ì faŋ seyi ate Alla ma, ì baluu tiloo bee si ke kayiroo ti, aduŋ ì si ì siyo ke niiseewoo kono.

Jabuuroolu 73:4

Kaatu ì buka kuu dimindiŋ soto, ì jaatoo bambanta, a kereyaata.

Kiitindirilaalu 20:34

Bituŋ kelelaa baa wuli taŋ ka bo Banisirayilankoolu bee kono naata Kibeya kele. Keloo naata kandi. Bari Benjamini lasiloo moolu maŋ a loŋ ko, kasaaroo bundaa le sutiyaata ì la.

Yuuba 3:13

Niŋ wo nte nuŋ, m be tara la laariŋ ne, m be deyiriŋ, m be tara la siinoo le la, aduŋ m be tara la dahaa le kono.

Yuuba 21:12

Itolu ñiŋ moo kuruŋolu ka tara denkili laa la, tambuuru kosoo, aniŋ kontiŋ kosoo. Ì ka tara ì faŋ seewondi kaŋ footaŋo kumakaŋo la.

Yuuba 21:23

Moo doolu taata le fo ì faata, ì balajaatoo be kereyaariŋ. Ì maŋ silandaa kuu-wo-kuu soto.

Yuuba 22:16

Ì ye ì ñafu, janniŋ ì la waatoo ka sii, ì ye ì koosa, komeŋ niŋ waamoo ye buŋo fondamaŋo koosa.

Yuuba 24:19

Niŋ kandoo ye kalaasi dunkuliŋo yooyi, bankoo ka a jiyo suusuu ñaameŋ, kaburu bankoo ka junubelaalu suusuu wo le ñaama.

Kawandilaa 9:10

I buloo benta dookuu-wo-dookuu fee, a ke beteke, kaatu i be taa kaburoo meŋ kono, dookuu te jee de, sako feere landi, aduŋ londi kuu fanaa te jee, sako ñaameŋ kuu.

Yuuba 24:24

Ì la kuwo si wuli fo waati kuntundiŋ, ì si naa yeemaŋ. Ì la kuwo si jii ko firi noroŋo, ì ka kasaara le ko, niŋ i ye siimaŋ muroo kuntu siimaŋ kaloo bala.