Yuuba 20:5 - Mandinka Bible

⁵ moo kuruŋolu la kontaanoo loo buka jamfa, aniŋ Alla sookilaalu la seewoo ka ke waati kuntundiŋ doroŋ ne ti?

Yuuba 20:5 ပူးပေါင်းရင်းမြစ်များ

Yankuba 4:16

Bari saayiŋ, ali ye ali la faŋ waroo ke kibiri kuwo le ti! Wo kibiri siifaa bee mu kuu jawoo le ti.

Kalatiyankoolu 6:4

Wo kamma la, moo-wo-moo si a faŋo la kebaaroolu koroosi. Bituŋ a si naa kibiri a faŋo doroŋ na kuwo la, a kana a faŋo niŋ a siiñoo la kuwo tembe,

Matiyu 7:21

“A maŋ ke ko, moo-wo-moo meŋ ka a fo n ye, ‘M Maarii, m Maarii’, be duŋ na Arijana mansabaayaa kono le, bari meŋ ka m Faamaa la lafoo ke, meŋ be Arijana.

Yuuba 27:8

Muŋ jiki le si tara Alla ñaasilambaloo ye, niŋ Alla ye a niyo taa, a ye a siyo daŋ?

Yuuba 8:19

A juubee, moo kuruŋolu la kontaanoo daŋo bee ka ke ñiŋ ne ti. Moo doolu le ka naa finti, wolu ye ì la palaasoo taa.

Yuuba 5:3

Ŋa toolewolu je le ì ye suloo duŋ, bari kataba kiliŋ dankoo boyita ì la suwolu kaŋ.

Esita 7:10

Bituŋ ì ye Hamani deŋ moo dendulaa bala a faŋo ye meŋ parendi Moridekayi ye. Bituŋ mansa la kamfaa bota.

Yuuba 34:30

Bari hani wo bee, a buka moo kuruŋo bula a ye tenteŋ maraloo la, waraŋ ka feere kuruŋo siti moolu kamma.

Jabuuroolu 94:3

Hee Yaawe, janniŋ muŋ tuma le mu moo kuruŋolu be tara la seewooriŋ? Yaawe, janniŋ muŋ tuma?

2 Samuweli 18:14

Yowabu ko, “M maŋ taa n na haajoo tiñaa la i la kuwo la kotenke.” A ye soora saba taa, a ye ì suuri Abusalomu sisoo kono, kabiriŋ a be baluuriŋ, a be dendiŋ yiri baa santo.

2 Samuweli 18:15

Wo to le Yowabu la kelejooraŋ sambalaa taŋ katata Abusalomu la, ì ye a labaŋ.

Yuuba 21:28

Ali kumata le ko, wo moo baa la buŋo be mintoo le, aniŋ tiriliisoo* meŋ, moo kuruŋolu tarata sabatiriŋ a kono?

Jabuuroolu 37:10

Hani a te mee la, moo kuruŋolu be yeemaŋ na. I si ì ñiniŋ, bari i te ì je la.

Jabuuroolu 94:4

Kuu jawu kelaalu ka tu nendiri kumoolu le feenee la, aduŋ ì ye meŋ ke, ì ka kibiri a la le.