Yuuba 20:25 - Mandinka Bible

²⁵ A dunta ì kono, a fintita niŋ ì kooma la, a kesoo ye ì kunaŋ-kunaŋ bootoolu teyi, kijafara baa naata ì kaŋ.

Yuuba 20:25 ပူးပေါင်းရင်းမြစ်များ

Yuuba 18:11

Ì dandaŋolu bee niŋ ì silaŋ kuu feŋolu, ì be ì nooma, ì taata daa-wo-daa.

Yuuba 16:13

A la kalabeñoolu ye n kuru karoo bee la, a ye n kookiloo soo, a ye n kunaŋ-kunaŋo boŋ bankoo to, wo maŋ hani a balafaa.

5 Musa 32:41

M be n na hawusaroo daa diyaa la le, fo a ye malamala, ŋa sii n na kiitiisiiraŋo kaŋ. M be n joo la n jawoolu to le, ŋa moolu jarabi, mennu ye n koŋ.

Yuuba 15:21

Silaŋ kumoolu doroŋ ne ka tara a tuloolu kono, aduŋ hani niŋ kayiroo be keriŋ, ate ka tara i yillaariŋ boyinkandiroo le la.

2 Korintinkoolu 5:11

Baawo ŋà Maariyo ñaasilaŋo loŋ ne, wo le ye a tinna ǹ ka a kata ka moolu sondi ate ma. Ntolu mu mennu ti, wo koyita Alla ma le, aduŋ n jikita ko, alitolu fanaa ye wo loŋ koyirinke ali sondomoolu kono le.

Jabuuroolu 88:15

Biriŋ n dindiŋ n toorata le, aduŋ n sutiyaata saayaa la le. I ye kijafara kuwolu le laa n kaŋ fo n keñaa bota n kono,

Jabuuroolu 73:19

Ì be kasaara la le waati kiliŋ, kooroo ye ì domo,

Jabuuroolu 7:12

Niŋ moo kuruŋolu maŋ tuubiseyi, Alla be a la hawusaroo* diyaa la ì kamma le. A be a la kalandiŋo ŋaaji la le ka a parendi.

Yuuba 27:20

Kijafaroo si a taki ko waamoo. Suuto foño baa le be a tindi la jana.

Yuuba 6:4

Alla Tallaa ye m buŋ a la kalabeñoolu le la. Ì kunoo dunta n jaatoo kono. Alla ye silaŋ kuwolu le randi n kamma.

2 Samuweli 18:14

Yowabu ko, “M maŋ taa n na haajoo tiñaa la i la kuwo la kotenke.” A ye soora saba taa, a ye ì suuri Abusalomu sisoo kono, kabiriŋ a be baluuriŋ, a be dendiŋ yiri baa santo.

Yuuba 18:14

Ì ye ì bayi ka bo ì la tankoo tiriliisoo to, ì be sabatiriŋ daameŋ. Ì ye ì wafu naŋ, ka ì dii saayaa la, maasiiboo mansa.