Yuuba 20:23 - Mandinka Bible

²³ Ka ì konoolu fandi noo a daŋo ma, Alla be a la kamfaa baa le jindi la naŋ ì kaŋ, a ye a sanji kesemaa jindi naŋ ì kaŋ, ka ke ì la domoroo ti.

Yuuba 20:23 ပူးပေါင်းရင်းမြစ်များ

4 Musa 11:33

Ì ye suboo ñiŋ bula ì daa doroŋ, janniŋ ì ka a ñimi faŋ, Yaawe la kamfaa naata ì kaŋ, a ye alibalaa kuuraŋo jindi ì kaŋ.

Malaki 2:2

Niŋ ali maŋ i lamoyi a la, a maŋ duŋ ali sondomoo kono, ka n too horoma, m be jaraboo le jindi la naŋ ali kaŋ, aduŋ niŋ ali ye neemoo duwaa m be a yelemandi la ali ye dankoo le ti. Ŋa a ke ali ye a ti le fokabaŋ, kaatu n na dandalaaroo maŋ duŋ ali sondomoo kono.

Yesaya 21:4

N kijoo teyita le, n ka jarajara, silaŋo kamma la. M be lafiriŋ wulaarandiŋ sumaa la, bari a maŋ feŋ naati n ye fo silaŋ baa.

Jabuuroolu 11:6

A be dimbaa keñembu wuleŋo niŋ solifa* dimbaa le jindi la moo kuruŋolu kaŋ, komeŋ samaajiyo. A be ì jarabi la foño kandi jawu baa le la.

2 Musa 9:23

Kabiriŋ Musa ye a la dokoo tiliŋ saŋo la, Yaawe ye sankumoo niŋ samberoolu jindi, aduŋ saŋ ŋalasoo jiita bankoo kaŋ.

1 Musa 19:24

Bituŋ Yaawe ye solifa* dimbaa jindi Sodomu niŋ Komora saatewolu kaŋ ka bo saŋo santo komeŋ samaajiyo.

4 Musa 11:18

A fo moolu ye, ì ye ì faŋ seneyandi saama ye. Ì be suboo domo la le, kaatu ì tarata woosiyo le la fo nte Yaawe ye a moyi, ka a fo ko, ‘Hee, niŋ ŋà suboo soto ka a domo! A be koyiriŋ ne ko ǹ na kuwolu tarata beteyaariŋ Misira le.’ Wo kamma la m be suboo dii la ì la le ka a domo.

Yuuba 20:13

Ì si a maabo jee fo waati jaŋ, ì te a fintindi la, ka a diyaa mendi ì faŋ fee.

Yuuba 20:14

Bari niŋ ñiŋ domori diimaa futata ì konoo kono, a si yelema feŋ kuniyaariŋo ti, a ye ke ì kono ko saa kunoo.

Amosi 8:10

N si ali la diina juuraloolu yelemandi ali ye saŋawoosiyo ti, ŋa ali la denkiloo yelemandi kumboo ti. N si a saabu ali ye booto funtoolu duŋ, ali ye ali kuŋolu lii niikuyaa kamma la. N si ñiŋ waatoo ke waati ti ali ye, komeŋ niŋ moo be woosii la a dinkee kiliŋo la faa la. Ñiŋ luŋo bee be ke la niikuyaa le ti ali ye.”