Yuuba 20:14 - Mandinka Bible

¹⁴ Bari niŋ ñiŋ domori diimaa futata ì konoo kono, a si yelema feŋ kuniyaariŋo ti, a ye ke ì kono ko saa kunoo.

Yuuba 20:14 ပူးပေါင်းရင်းမြစ်များ

Roomankoolu 3:13

“Ì daalu be kasariŋ ne ko kaburu yeleriŋo, ì ka neeneeroo ke ì neŋ kolomoo le la. Ì la kumoolu be le ko biidaa kunoo,

Malaki 2:2

Niŋ ali maŋ i lamoyi a la, a maŋ duŋ ali sondomoo kono, ka n too horoma, m be jaraboo le jindi la naŋ ali kaŋ, aduŋ niŋ ali ye neemoo duwaa m be a yelemandi la ali ye dankoo le ti. Ŋa a ke ali ye a ti le fokabaŋ, kaatu n na dandalaaroo maŋ duŋ ali sondomoo kono.

Yeremiya 2:19

I la kuu jawoo le be kuluuroo naati la i kaŋ, aduŋ i badalita m ma, wo le be jalayiroo saabu la i ma. I si a loŋ aniŋ ka a je ko, kuu jawu le mu, aniŋ kuu dimindiŋ, ka i koo dii nte Yaawe i la Alla la. I maŋ n ñaasilaŋo soto.” Yaawe Alihawaa Maariyo* le ye a fo.

Kuma Kotoomaalu 1:31

wo to ali ye meŋ fii, wo le be faliŋ na ali ye, ali faŋo daajikoo, wo le be ali toora la.

Yuuba 20:16

Ì ye meŋ domo, a ka ke ì ye kunoo le ti, a ka ì faa le komeŋ saa kuna jawutoo la kindiroo.

5 Musa 32:24

Konkoo si ali labara, balakandoo niŋ kuuraŋ jawoo si ali kasaara. Daafeŋ saŋaroolu si ali faraŋ-faraŋ, saa kunamaalu ye ali kiŋ.

Yuuba 20:13

Ì si a maabo jee fo waati jaŋ, ì te a fintindi la, ka a diyaa mendi ì faŋ fee.

Yuuba 20:15

Ì ye suuñaari feŋolu mennu domo, ì si ì bee foonoo naŋ kotenke. Alla faŋo le ka ñiŋ feŋolu bondi ì kono.

Yuuba 20:23

Ka ì konoolu fandi noo a daŋo ma, Alla be a la kamfaa baa le jindi la naŋ ì kaŋ, a ye a sanji kesemaa jindi naŋ ì kaŋ, ka ke ì la domoroo ti.

Kuma Kotoomaalu 20:17

Feŋo meŋ sotota suuñaaroo kono, ka diyaa le, bari a koolaa, a maarii daa ka tara faariŋ bankoo le la.