Yuuba 20:11 - Mandinka Bible

¹¹ Ì balajaatoolu mennu tarata kereyaariŋ, bee labaŋo be naa ke la bankoo le ti.

Yuuba 20:11 ပူးပေါင်းရင်းမြစ်များ

Yuuba 13:26

Ite le ye kuu jawoolu safee n kunto. I ye n joo n na fondinkeeyaa junube kuu baaroolu le la.

Jabuuroolu 25:7

Kana i miira tawunteeyaa junuboolu la, ŋa mennu ke n na fondinkeeyaa waatoo kono. Hee Yaawe, i miira n na i la kanu bambaloo kamma la, aniŋ i la beteyaa.

Yuuba 21:26

Bari ì bee ye ì laa ñoo kaŋ kaburoo kono le, tumboolu muurita ì bee la.

Yohana 8:24

Ŋa a fo ali ye, ali be faa la ali la junuboolu kono le. Niŋ ali maŋ laa ko, m mu meŋ ti, m mu wo le ti, ali be faa la ali la junuboolu kono le.”

Esekiyeli 32:27

Ì maŋ ì baadee ko ì ka kelejawaroolu baadee ñaameŋ buuñaa kono. Ì niŋ kelejawaroolu mennu maŋ Alla loŋ ne be laariŋ dulaa kiliŋ laakira, ì niŋ ì la kelejooraŋolu le be kaburoo kono. Ì ye ì la hawusaroolu ke ì ye kullaaraŋo le ti, aduŋ ì la kuu jawoolu le tooroo be laariŋ ì kuloolu kaŋ, hani a ye a tara ñiŋ kelejawaroolu la silaŋo dunta wo bankoo kaŋ, baluuriŋolu be daameŋ.

Esekiyeli 24:13

“Ite Yerusalaamu, wo fintoŋo le mu i la malubaliyaa ti. Baawo n lafita i seneyandi la le nuŋ, bari i te seneyaa noo la ka bo i la wo kosoo kono. I te seneyaa noo la kotenke, fo niŋ ŋa n na kamfaa bee jindi i kaŋ tuma meŋ na fo n wasata.

Kiilaalu 1:25

Wo maarii si a noo taa ñiŋ dookuwo kono ka ke kiilaa ti, Yudas ye meŋ bula ka taa dulaa to, a ñanta taa la daameŋ.”

Kuma Kotoomaalu 14:32

Moo jawoo la kuu kuruŋ kewo le ka a kasaara, bari moo tilindiŋo la beteyaa, wo le ka a tankandi.

Yuuba 19:20

M balajaatoo bee banta n kuloolu bala, domandiŋ ne ye m bali faa la.

Yohana 8:21

Yeesu ko ì ye kotenke ko, “Nte be taa la le. Ali be n ñini la le, bari ali be faa la ali la junuboolu kono le. Aduŋ m be taa la daameŋ, ali te naa noo la jee.”

Yuuba 21:23

Moo doolu taata le fo ì faata, ì balajaatoo be kereyaariŋ. Ì maŋ silandaa kuu-wo-kuu soto.

Yuuba 21:24

Ì balajaatoolu be faariŋ tep, ì kuloolu be bambandiŋ kat.

Yuuba 17:16

Fo n niŋ jikoo ñiŋ be taa ñoo la kaburoo kono le baŋ? Fo n niŋ a be saareŋ na ñoo la le baŋ, ka ke bankumunkoo ti?