Yuuba 19:22 - Mandinka Bible

²² Muŋ ne ye a tinna alitolu fanaalu be n nooma la teŋ, ko Alla tarata n nooma ñaameŋ? Fo n na dimoo bataa maŋ kaañaŋ ali fee baŋ?

Yuuba 19:22 ပူးပေါင်းရင်းမြစ်များ

Jabuuroolu 69:26

Bayiri ì ka moolu toorandi le, ite ye mennu jarabi fokabaŋ, ka moolu la mantooroo jumbundi, i ye mennu lanjuuru.

Mika 3:3

Ali la ì busuriŋ koolaa, ali ye ì kuloolu teyiŋ-teyiŋ, ka ì bala suboolu kuntuŋ-kuntuŋ kudewolu ti, ka ì ke kaleeroo kono, ka ì ke nee walaa kaŋ, ali ye ì ñimi.

Yesaya 51:23

M be a dii la i toorandilaalu le la, mennu ka a fo i ye nuŋ ko, ‘Boyi duuma fo ǹ si taama i kaŋ.’ I ye i laa ì ye bankoo to le, i mulunta ì ye ko mbeedoo, ì ka tara taama la i kaŋ.”

Yuuba 31:31

N na moolu si a seedeyaa noo le ko, moo maŋ soto ì kono, meŋ buka nte la domoroo domo a faŋo sawoo la.

Yuuba 16:11

Alla ye nte duŋ moo jawoolu le bulu, a ye n duŋ moo kuruŋolu la maroo koto.

Yuuba 13:25

Fo i ka nte jamba kenseŋo le silandi baŋ, foñoo ka meŋ tindi? I ka fuufulewo le bayindi baŋ?

Yuuba 10:16

Niŋ ŋa n sañoo wulindi, i ye tara n deema kaŋ komeŋ jatoo, i ye n toorandi kotenke i sembe kaawakuwo la.

Yuuba 2:5

Bari i buloo laa a la jaatikendeyaa kaŋ doroŋ, a be i sooki la le.”

Yuuba 13:24

Muŋ ne ye a tinna i ye i ñaa kaasi n na, i ye m muta ko i jawoo?

Yuuba 19:6

Fo ali maŋ ñiŋ loŋ ko, Alla faŋo le ye ñiŋ laa nte kaŋ? Ate faŋo le ye a la jaloo miniŋ n na.

Yuuba 19:28

Niŋ ali ka a fo ko, “M̀ be a toorandi la le,” aniŋ ka a fo ko, “A faŋo le ye a saabu a faŋ ma,”

Yuuba 30:21

I yelemata n ye jawuyaa daa to, i ye i buloo laa n kaŋ ka n toorandi niŋ i semboo bee la.

Jabuuroolu 69:27

Ì la junuboolu dunoo lafaa ì ye, ì kana i la kiisoo soto.