Yuuba 19:13 - Mandinka Bible

¹³ A ye m baadiŋolu bee jamfandi n na, n lombaalu bee keta n ye luntaŋolu ti.

Yuuba 19:13 ပူးပေါင်းရင်းမြစ်များ

Jabuuroolu 88:8

I ye a tinna le n teerimaalu ye i bo n to, i ye n ke ì ye moo ñewundiŋo ti. M be sukiriŋ ne, aduŋ kanañaa te n na.

Jabuuroolu 88:18

I ye a tinna le n kanuntewolu niŋ n teeroolu ye i bo n to. Diboo doroŋ ne mu n kafuñoo ti.

Jabuuroolu 69:8

N keta m fansuŋ moolu ye luntaŋo ti, n keta m baadiŋolu ye tumarankewo ti.

Jabuuroolu 31:11

N keta n jawoolu bee ye jelefeŋo le ti, hani n siiñoolu le faŋo taa jawuyaata, aduŋ n keta n lombaalu tanoo le ti. Niŋ moolu ye n je siloo kaŋ, ì ka bori n na le.

2 Timoti 4:16

N na faŋ tankandi foloo nuŋ kiitiyo ñaatiliŋo la, moo-wo-moo le maŋ loo m fee. Ì bee ye m bula le. Allamaa Alla ye yamfa ì ma wo kuwo to.

Matiyu 26:56

Bari ñiŋ keta le fo annabiyomoolu la kumoolu si timma.” Wo to le saayiboolu bee ye a bula, ì borita.

Jabuuroolu 69:20

Nendiroolu ye n kijoo teyi le, fo n jikilateyita. N jikita le ko m be balafaa daa soto la le, bari a maŋ soto, aniŋ sabarindilaalu, bari ì maŋ soto.

Jabuuroolu 38:11

N teeroolu niŋ n kafuñoolu jamfata n na, n na kuuraŋo kamma la. M baadiŋolu fanaa sabata n na.

Yuuba 16:7

Tooñaa-tooñaa, Alla le ye n korindi, a ye n na moolu bee kasaara.

Yuuba 16:20

N teeroolu ye n tooñee, n ñaajiitoo ye n ñaa tiliŋ Alla la ka m maakoyi.

Yuuba 42:11

Bituŋ a baadinkewolu bee, aniŋ a baarimmusoolu, aniŋ mennu bee ye a loŋ nuŋ, naata a juubee. Ì niŋ a ye domoroo ke a la buŋo kono. Ì ye ì la balafaadaa yitandi a la, bituŋ ì ye a sabarindi mantoora kuwolu la, Yaawe ye mennu laa a kaŋ. Ì bee kiliŋ-kiliŋ naa ye kodiforo kuntoo dii a la, aniŋ sani konnaa.

Jabuuroolu 41:9

Hani n teeri kendoo, n laata meŋ na, n niŋ a ka deŋ n na domoroo la, a yelemata n jawoo ti le.

Niikuyaa Suukuwolu 1:2

Badaa-badaa suuto kumboo, ñaajiyo ka bori a ñaasiŋo la. A kanuntewolu bee kono, a maŋ sabarindilaa kiliŋ soto, a teeroolu bee ye jamfaa tiliŋ a la, ì keta a jawoo ti.

Niikuyaa Suukuwolu 1:19

“Saayiŋ a fele, ŋa n kanuntewolu kumandi, bari ì ye i bo n to le. N na piriisoolu niŋ alifaalu, ì faata saatewo kono taariŋ, tumoo meŋ ì be domori ñiniŋo la, fo a si ì bambandi ka baluu.

Yuuba 6:15

Bari alitolu, mennu mu n kafuñoolu ti, ali maŋ ke jiki moo ti. Ali la kuwo ye m moonee le komeŋ jiiboroo, jaa naata, a bee suusuuta.

Yuuba 6:20

Ì niŋ jiki baa le ka a waliŋ, bari niŋ ì futata jee, ì si jaakali, ì ye jikilateyi.

Jabuuroolu 31:12

N na kuwo bota moolu hakiloo to le, ko moo meŋ faata. N keta le ko daandiŋ teyiriŋo.

Jabuuroolu 38:12

Moolu mennu ka n niyo ñini, ye ì la kutindiŋolu laa n kamma le, mennu ka n na mantooroo ñini, ka kasaaroo le fo m ma. Ì ka tu feeroolu le siti la n kamma.

Jabuuroolu 69:9

Ŋa hamoo meŋ soto i Batudulaa Buŋo* la kuwo to, a ka mala n kono le ko dimbaa, aduŋ moolu mennu ka i neŋ, ì la nendiroolu ka laa nte le kaŋ.