Yuuba 18:18 - Mandinka Bible

¹⁸ Alla be ì bondi la duniyaa kono, a be ì ñori la ka bo maloo dulaa to ka taa diboo kono.

Yuuba 18:18 ပူးပေါင်းရင်းမြစ်များ

Yuuba 20:8

Ì si yeemaŋ ko siiboo, aduŋ ì te je la, ì ye ì bayi ko suuto finifinoo.

Yuuba 10:22

Ñiŋ dulaa to, maloo nene buka soto jee. Ñiŋ dulaa to, diboo doroŋ ne ka tara jee, aniŋ jaakaloo.

Yuuda 1:13

Ì be le ko fankaasoo jiibaliŋ saŋarariŋolu, ì ka malu kuwolu fintindi ko jiibaliŋolu la kankaŋo ka fuusa banta ñaameŋ. Ì be le ko looloo taamalaalu, dibi baa kataŋo mu ì taa le ti fo abadaa.

Daniyeli 5:21

Ì ye a bayi le ka bo hadamadiŋ kontoo kono, aduŋ a hakiloo keta le komeŋ beeyaŋ hakiloo. A tarata sabatiriŋ wulakono faloolu le kono, a ka ñaamoo ñimi ko ninsoo, aduŋ a baloo bee ka sinaŋ komboo la le. Wo koolaa le mu a naata soŋ ko, Alla Mansa Tallaa le marata hadamadiŋolu la mansamarali bankoolu bee ma, aduŋ moo-wo-moo diyaata a ye, a ka a dii wo le la.

Daniyeli 4:33

Wo loodulaa to, kumoo meŋ fota Nebukanesa ma, a timmata. Ì ye a bayi ka bo hadamadiŋ kontoo kono, aduŋ a ye ñaamoo ñimi le ko ninsoo. Komboo jiita a kaŋ ne ka a sinandi, a tiyo jaŋayaata komeŋ seeliŋo tiyolu, a ŋonsiŋolu jaŋayaata komeŋ kunu ŋonsiŋolu.

Kuma Kotoomaalu 14:32

Moo jawoo la kuu kuruŋ kewo le ka a kasaara, bari moo tilindiŋo la beteyaa, wo le ka a tankandi.

Yuuba 11:14

I ye i la junube kuwolu landi kara la, mennu be i bulu, i kana soŋ kuu kuruŋo ye ke i yaa.

Yuuba 5:14

Hani tiloo ñaama, itolu ka tara diboo le kono. Ì ka moomooroo ke tilibuloo ko ì be suutoo le kono.

Yuuba 3:20

Muŋ ne ye a tinna baluwo be dii la moo bataariŋo la, moo meŋ ye niitoora kuu baa soto a la baluwo kono?

Yuuba 18:11

Ì dandaŋolu bee niŋ ì silaŋ kuu feŋolu, ì be ì nooma, ì taata daa-wo-daa.

Yuuba 20:26

Kasaaroo le be laariŋ ñaato ì la fankoolu kamma. Dimbaa meŋ moo buka a mala, wo le be itolu faŋolu domo la, aniŋ feŋ-wo-feŋ tuta ì yaa.

Yuuba 27:21

Tilibo foño baa si a sika santo, a ye a tindi jana, ka bo a la koridaa kono.

Yuuba 27:23

Foñoo si sonka a ma, a ye foofooroo kumandi a ma.

Yesaya 22:18

M be i firifiri la le, ŋa i fayi ko katoo, banku jaŋ fanuriŋ to. I be faa la wo le to, i la sareeti ñiimaalu be tu la jee le. Ì be ke la i maariyo la dimbaayaa ye malu jooraŋo le ti.

1 Samuweli 2:9

A be a la moo kendoolu kanta la ì la siloolu kaŋ ne, bari moo jawoolu be tara la deyiriŋ diboo le kono. Moo faŋo semboo buka a samba ñaato.