Yuuba 18:13 - Mandinka Bible

¹³ Kuuraŋo fanaa be ì ñaato, meŋ be ì samba la saayaa kaŋ, ka ì balajaatoo bee tolindi.

Yuuba 18:13 ပူးပေါင်းရင်းမြစ်များ

Yesaya 14:30

Misikiinoolu be daañini dulaa soto la le, sembentaŋolu si sabati kayiroo kono. Bari mennu bota alitolu bala, konkoo le be ì faa la, ali la moolu mennu tuta baluuriŋ, ŋa wolu faa.

Lankenemoo 6:8

Bituŋ ŋa suu mampatabaloo je. A borindilaa too mu Saayaa le ti, aduŋ Kaburoo bulata a nooma. Semboo diita itolu la le ka duniyaa talaadaa naaninjaŋo bee faa niŋ hawusaroo la, konko jawoo, alibalaa kuuraŋo, aniŋ daafeŋ saŋarariŋolu.

Jakariya 14:12

Ñiŋ ne be ke la alibalaa kuuraŋo ti, Yaawe be meŋ laa la bankoolu bee kaŋ, mennu ye keloo boyi Yerusalaamu kaŋ: Ì si tara looriŋ ì siŋo la, ì balajaatoo ye toli, ì ñaakesoo ye toli ì ñaa hubomboo kono, ì neŋo ye toli ì daa kono.

Yunusa 2:6

N taata fo baa duumoo to, n dunta banku le to, meŋ bundaalu ka tu sorondiŋ fo abadaa. Bari ite, hee Yaawe m Maariyo i ye m bondi naŋ ñiŋ diinoŋo to le, m baluuta.

Yuuba 17:16

Fo n niŋ jikoo ñiŋ be taa ñoo la kaburoo kono le baŋ? Fo n niŋ a be saareŋ na ñoo la le baŋ, ka ke bankumunkoo ti?

1 Musa 49:3

Rubeni, ite le mu n diŋ foloo ti, n semboo, n semboo ye ite le foloo wuluu. Ñaaboo palaasoo be ite le bulu, aniŋ semboo.

1 Musa 31:15

Fo a maŋ ntolu muta le komeŋ tumarankewolu? A ye ǹ waafi, a naata muru ka wo kodoo domo, meŋ diita ǹ na kuwo kamma.