Yuuba 14:5 - Mandinka Bible

⁵ Hadamadiŋo la baluwo ye dandulaa le soto. Ite Alla, ite le ye a baluu tiloo nankamoo loŋ, a te tambi noo la meŋ na.

Yuuba 14:5 ပူးပေါင်းရင်းမြစ်များ

Jabuuroolu 39:4

“Hee Yaawe*, n labaŋo yitandi n na, aniŋ m baluu tiloolu yaatewo. A yitandi n na n na baluwo loo be sutiyaariŋ ñaameŋ.

Kiilaalu 17:26

Ate le ye sii-wo-sii daa ka bo niŋ kee kiliŋ na, ka sabati duniyaa bankoolu bee kaŋ. A ye waatoolu londi ì la baluwo la, a ye dulaalu tomboŋ ì ye ka sabati jee,

Hiburunkoolu 9:27

Tooñaa le mu, moo-wo-moo ñanta faa la siiñaa kiliŋ ne, wo koolaa kiitiyo si naa.

Yuuba 12:10

Niilamaa feŋo bee siyo be ate le bulu, aduŋ hadamadiŋo bee fanaa niyo be ate le bulu.

Jabuuroolu 104:29

Niŋ i ye i ñaa kaasi ì la, ì ka jikilateyi le. Niŋ i ye i la baluwo niijii foñoo taa, ì ka faa le, ì ye muru ka ke bankumunkoo ti.

Yuuba 21:21

Niŋ ì la waatoo banta, ì diŋolu la kuu buka bula ì kono kotenke.

Luka 12:20

“Bari Alla ko a ye ko, ‘Ite toolewo! Ñiŋ suutoo faŋo le la, m be i niyo taa la i bulu. Wo to i ye feŋolu mennu maabo, wolu be ke la jumaa le taa ti?’

Daniyeli 5:26

A kotoo mu ñiŋ ne ti ko: “Yaatee: Alla ye i la mansayaa luŋolu yaatee le, aduŋ a ye daŋo ke a la le.

Jabuuroolu 104:9

I ye naanewo dadaa, a te tambi la a la, ñiŋ kamma la a te bankoo muuri la kotenke.

Daniyeli 4:35

Duniyaa moolu bee buka muluŋ a ñaa koto feŋ ti. A la lafoo mu meŋ ti, a ka wo le ke malaayikoolu kono santo, aniŋ hadamadiŋolu kono duuma. Moo te a la keroo baayi noo la, waraŋ ka a ñininkaa a kekuwo la.

Yuuba 14:14

Niŋ hadamadiŋo faata, fo a be wuli la le koteŋ baŋ? M be tara la muñariŋ n na bataa luŋolu bee kono le, fo janniŋ m firiŋ luŋo.

Yuuba 7:1

Fo hadamadiŋo buka dookuu koleŋo le ke duniyaa kono baŋ? A ka tara boriŋ-boriŋ kaŋ ne luŋ-wo-luŋ komeŋ tili dookuulaa.

Lankenemoo 3:7

“A safee n na kafoo malaayikoo ye, meŋ be Filadelifiya saatewo kono: “Nte la kumoo fele, nte meŋ jankuta, aduŋ m mu tooñaa ti, Mansa Dawuda la caaboo be nte le bulu. Ŋa meŋ yele, moo-wo-moo te a soroŋ noo la, aduŋ ŋa meŋ soroŋ, moo le te wo yele noo la.

Daniyeli 5:30

Wo suutoo faŋo le mu, ì ye Babiloni mansakewo Belisasa faa.

Lankenemoo 1:18

nte meŋ be baluuriŋ. M faata le nuŋ, bari a fele, m be baluuriŋ fo abadaa. Saayaa niŋ a la maralidulaa caaboolu be nte le bulu.

Daniyeli 11:36

“Meŋ diyaata Aramu mansa ye, a be wo le ke la. A be a faŋ sikandi la le, ka a faŋ wara alloolu bee ti. A be sookiri kuma baalu le fo la Alla Tallaa ma. A be wajabi la a kekuwolu kaŋ ne, fo Alla ye a la kamfaa jindi naŋ a kaŋ. Alla be meŋ ke la, wo te baayi la.

Daniyeli 9:24

“Sanji taŋ woorowula siidulaa woorowula, Alla ye wo le nata i la moolu ye, aniŋ ali la saatee senuŋo. Niŋ wo siita, a be kuu jawu kewo baŋ na le, a ye junuboo daŋ, a ye yamfa hakoolu la. A be tiliŋo le londi la fo abadaa, a ye jeroo niŋ kiilaariyaa kumoo kumfaa, aduŋ a be a la batudulaa senuŋ baa jankundi la le.

Jabuuroolu 31:15

N na baluwo muumewo be ite le bulu. N tankandi n jawoolu bulu, mennu ka n toorandi.

Jabuuroolu 139:16

I ye m meremmaa je le. I ye luŋolu mennu londi n ye, ì bee safeeta i la kitaaboo kono le, hani janniŋ kiliŋ be dati la.

Kawandilaa 3:2

Waati le be wuluwo la, waati be faa la. Waati le be tuturoo la, waati be wuturoo la.

1 Samuweli 26:10

A ko, “A be koyiriŋ ñaameŋ ko Yaawe be baluuriŋ ne, Yaawe faŋo le be a faa la. A la waatoo le be sii la, a ye faa, waraŋ a ye taa keloo la, a ye kasaara jee.

Yuuba 16:22

Sanji dantaŋ ñaato, m be taa niŋ siloo le la, aduŋ n te muru la naŋ kotenke.

Kawandilaa 8:8

Hadamadiŋ maŋ semboo soto ka foñoo mara, waraŋ ka semboo soto a la saayaa luŋo la. Keloo waatoo la, kelediŋ buka foñondi. Kuruŋyaa kuwo buka moo kuruŋo maakoyi noo.