Yuuba 14:18 - Mandinka Bible

¹⁸ Hani konkoo, a ka boyi le, a ye janjaŋ, aduŋ bere baa fanaa ka bo noo a noo to le.

Yuuba 14:18 ပူးပေါင်းရင်းမြစ်များ

Lankenemoo 6:14

Ŋa saŋ fatoolu je yeemaŋ na ko kayitoo, ì ye meŋ moromoro, aduŋ konkoolu niŋ baajooyoolu bee bota ì noolu to.

Yuuba 18:4

Ite meŋ ye i faŋ toorandi i la kamfaa waatoo kono. Fo i la kuwo, wo le be a tinna la duniyaa be baŋ na, waraŋ bere konkoo ye wutu ka bo a noo to?

Yeremiya 4:24

Ŋa konko baalu juubee le, ŋa a je ì be jarajara kaŋ, konkoolu bee be jiijaa kaŋ.

Lankenemoo 20:11

Bituŋ ŋa mansasiiraŋ koyiriŋ baa je, aduŋ saŋo niŋ bankoo yeemanta wo ñaa la, meŋ be siiriŋ a kaŋ. Dulaa maŋ soto ì ye kotenke.

Lankenemoo 8:8

Malaayika fulanjaŋo ye a la footaŋo fee, bituŋ feŋ fintita, meŋ ka munta ko konko baa, a be jani kaŋ niŋ dimbaa la. A fayita fankaasoo kono, aduŋ fankaasoo la talaadaa sabanjaŋo naata yelema yeloo ti.

Matiyu 27:51

Wo loo niŋ baroo teema, ridi baa meŋ tarata Alla Batudulaa Buŋo kono, a farata teema ka bo santo ka naa fo duuma. Banku jarajaroo keta, aniŋ bere konkoo farata.

Yesaya 64:1

Kooni, niŋ i si saŋ fatoolu le fara nuŋ, i ye jii naŋ, konkoolu ye jarajara i ñaatiliŋo la!

Yesaya 54:10

Yaawe meŋ ye balafaa soto i ye, wo le ye a fo ko: “Hani niŋ konko baalu bota ì noo to, konkoriŋolu ka boyi, ŋa kanu bambaloo meŋ soto i ye, wo te daŋ na, sako n na kayira kambeŋo si tiñaa.

Yesaya 40:12

Jumaa le si baajiyo sumaŋ noo niŋ a buluñaa la, waraŋ ka saŋ fatoolu la waroo sumaŋ niŋ a buluteetee la? Jumaa le si ñiŋ duniyaa kankaŋo bee sumaŋ noo niŋ sinsiŋo la, waraŋ ka konko baalu niŋ konkoriŋolu peesa niŋ peesarilaŋo la?

Yuuba 14:17

N na junube kuwolu bee be kafu la ñoo ma bootoo le kono, i ye ñina ì la, i be n na baara jawoolu tuutuu la le.

Yuuba 14:19

Jiyo ka beroolu kunkaŋo koosa le, sanji baa ka bankoo kunkaŋo koosa, wo to, ite le ka hadamadiŋo la jikoo tiñaa.