Yuuba 14:17 - Mandinka Bible

¹⁷ N na junube kuwolu bee be kafu la ñoo ma bootoo le kono, i ye ñina ì la, i be n na baara jawoolu tuutuu la le.

Yuuba 14:17 ပူးပေါင်းရင်းမြစ်များ

5 Musa 32:34

Yaawe be londiŋ ì la ñiŋ kuu kuruŋolu bee la le, ì be maaboriŋ a la maaboridulaa to.

Hoseya 13:12

“Efurayimu la kuu kuruŋo be kafuriŋ ñoo ma le, a la junuboo be maaboriŋ ñoo kaŋ.

Yuuba 21:19

Alitolu le ko, Alla buka jaraboo laa moo kuruŋolu kaŋ ì la junube kuwo kamma la, a ka a laa ì diŋolu le kaŋ. Bari Allamaa Alla ye ì la juloo joo ì faŋolu to, ì si a loŋ, ì ye meŋ baara.

5 Musa 32:32

Ì be kuruŋyaariŋ ne ko Sodomunkoolu niŋ Komorankoolu. Ì mulunta le ko wayini yiroo, a diŋolu be kuniyaariŋ ne, ì be faariŋ kunoo la.

Yuuba 14:18

Hani konkoo, a ka boyi le, a ye janjaŋ, aduŋ bere baa fanaa ka bo noo a noo to le.

Yuuba 33:9

I ko, ite maŋ sootaari soto, aduŋ i maŋ junube kuu ke, i seneyaata, aduŋ i maŋ boyi kuu ke.

Yeremiya 2:22

Hani i si i kuu muŋ ne la, waraŋ ka saafuna jamaa taa ka i kuu a la, n ñaa be tara la i la boyidaa noo kaŋ ne.” Yaawe Alla le ye a fo.

Yeremiya 32:10

Ŋa a safee seedeyaaraŋ kayitoo kono, ŋa a noto, ŋa seedoolu ke a la. N naata kodiforoo peesa peesarilaŋo kaŋ ka a joo.

Yuuba 9:20

Hani niŋ a ye a tara m be tooñaa le kaŋ, m fokumoo le be m boyindi la. Hani niŋ m maŋ sootaari soto, ate le be n na boyoo yitandi la.

Yuuba 9:31

a si n ñori noo kono, hani n na duŋ feŋolu faŋo si ñewuŋ n na.