Yuuba 14:15 - Mandinka Bible

¹⁵ I be n kumandi la le, aduŋ m be n danku la i ma le. N na kuwo be naa i meeyaa la le, ite meŋ ye n daa.

Yuuba 14:15 ပူးပေါင်းရင်းမြစ်များ

Jabuuroolu 138:8

Hee Yaawe, i be i la natoolu timmandi la n ye le. Yaawe, i la kanu bambaloo be tu la le fo abadaa. Kana i buloo bo dookuwo to i ye meŋ dati.

Yuuba 13:22

Wo to i foloo ye diyaamu, nte si naa i jaabi, waraŋ i ye m foloo bula ŋa diyaamu, i si naa n jaabi.

Yuuba 10:3

Nte batandoo ye muŋ nafaa le soto ite ye? Muŋ ne ye a tinna i be balaŋ na feŋo to, ite faŋo ye meŋ daa? Muŋ ne ye a tinna, i be kuruŋolu bula la, ì la feere kuwolu be ñaatotaa soto la?

1 Pita 4:19

Wo to, moolu mennu ka toora Alla la lafoo kaŋ, ì si tu baara betoo kaŋ, ì ye ì niyolu karafa ì Daamansoo la, meŋ foroyaata.

1 Tesalonikankoolu 4:17

Wo koolaa, ntolu mennu be baluuriŋ jaŋ, ǹ niŋ ì be kafu la ñoo ma minaayoolu kono le ka Maariyo benduŋ alihawaa kono. Bituŋ ǹ si tara Maariyo fee fo abadaa.

Yuuba 10:8

Ite faŋo le ye nte daa, ite le ye m muluŋo ke n na, saayiŋ, ite le fanaa naata n kasaara.

Yuuba 7:21

Muŋ ne ye a tinna i maŋ kafari ke n ye, i ye yamfa n na junube kuwolu la? A te mee la, m be tara la laariŋ kaburoo kono. I si n na kuu juubee, bari n te tara la keriŋ.

1 Yohana 2:28

Saayiŋ, n na dindiŋolu, ali sabati Yeesu Kiristu kono. Wo to le, niŋ a muruta naŋ, ǹ si dankeneyaa soto ka loo a ñaatiliŋo la, aduŋ ǹ te malu la.

Yuuba 14:14

Niŋ hadamadiŋo faata, fo a be wuli la le koteŋ baŋ? M be tara la muñariŋ n na bataa luŋolu bee kono le, fo janniŋ m firiŋ luŋo.