Yuuba 12:24 - Mandinka Bible

²⁴ Ate le ka duniyaa mansoolu la ñaameŋo taa ì bulu, a ye ì yaayindi kenseŋ.

Yuuba 12:24 ပူးပေါင်းရင်းမြစ်များ

Jabuuroolu 107:40

a ka ì noolaa kandaalu malundi le, a ye ì yaayindi keñewuloo kono, sila te daameŋ.

Yuuba 12:20

Ate le ka moo deyindi, jikoo be meŋ na kuwo to, a ye keebaa kotoo la ñaameŋo taa a bulu.

Hoseya 7:11

“Efurayimu be le ko puraa, a neenewo feeyaata, hakili te a la, a be Misira le kili kaŋ deemaaroo la, saayiŋ a fele, a yelemata Asiriya.

Daniyeli 4:33

Wo loodulaa to, kumoo meŋ fota Nebukanesa ma, a timmata. Ì ye a bayi ka bo hadamadiŋ kontoo kono, aduŋ a ye ñaamoo ñimi le ko ninsoo. Komboo jiita a kaŋ ne ka a sinandi, a tiyo jaŋayaata komeŋ seeliŋo tiyolu, a ŋonsiŋolu jaŋayaata komeŋ kunu ŋonsiŋolu.

Daniyeli 4:16

A sondomoo si faliŋ ka bo hadamadiŋyaa to, beeyaŋ sondomoo ye ke a la, a ye tara wo ñaama, fo sanji woorowula ye baŋ.’

Yesaya 19:1

Kiilaariyaa kumoo fele Misira la kuwo to. A juubee, Yaawe* tariyaatoo le ka naa Misira, a ka naa niŋ saŋ tawaloo le la. Misira jalaŋolu be jarajara la a ñaatiliŋo la le, Misirankoolu kijoo ye teyi.

Jabuuroolu 107:4

Doolu yaayita keñewula* kenseŋo kono, ì maŋ sabatidulaa soto jee.

Yuuba 17:4

Baawo ite faŋo le ye ì sondomeñaalu suki fo ì kana fahaamuroo ke noo, wo kamma la, i kana ì sawoo londi.

Jabuuroolu 59:12

Junube kumoolu le ka tara ì daalu kono. Ì daakumoolu mu junuboo le ti. Allamaa ì la faŋ waroo ye ke ì ye kutindiŋo ti, a ye ì muta. Ì la dankaroolu niŋ ì la faniyaalu kamma la,

Daniyeli 4:12

A jamboolu be ñiiñaariŋ, a diŋolu be siyaariŋ, aduŋ niilamaa feŋolu bee ka domoroo soto a bala le. Daafeŋolu ka sabati a dubeŋo koto le, kunoolu ka ñaŋo ke a buloolu bala, aduŋ niilamaa feŋolu bee ka i baluu a la le.

Daniyeli 4:13

“Wo bee, n tarata laariŋ ne, m be siinoo la, bituŋ ŋa koroosirilaa je, meŋ keta malaayikoo ti, a be jii kaŋ naŋ saŋo santo.