Yuuba 12:19 - Mandinka Bible

¹⁹ Ate le ka piriisoo* la piriisiyaa taa a bulu, a ye sembetiyo la semboo taa a bulu.

Yuuba 12:19 ပူးပေါင်းရင်းမြစ်များ

Lankenemoo 17:14

Ì be keloo boyi la Saajiiriŋo kaŋ ne, bari Saajiiriŋo be ì noo la le, kaatu ate le mu Maariyolu Maarii ti, aniŋ Mansoolu la Mansa. Aduŋ moolu mennu be a fee, wolu kumandita le, ì tombonta, aduŋ ì foroyaata le.”

Yesaya 45:1

Yaawe* ye ñiŋ ne fo Kirusi ye, a ye a la mansa meŋ tomboŋ ko: “Ŋa i bulubaa buloo muta le, aduŋ m be i maakoyi la le, ka bankoolu noo keloo la, ka mansoolu bondi ì la mansayaa to. M be siloo dii la i la le, i si a je, i te kalee la saatee dundaŋ daalu to.

Yuuba 35:9

Niŋ hadamadiŋo dunta mantooroo kono, a ka woosii le. A ka woosii maakoyiroo le la, sembetiyolu ye bataa kuwo meŋ laa a kaŋ.

Yuuba 34:28

Ì ye fuwaaroolu kumbondi a ñaatiliŋo la, fo a ye moo toorariŋolu woosii kaŋo moyi.

Yuuba 24:22

Alla le ka sembetii baalu bondi ì noo to a la mansabaayaa semboo la. Ì kamalita ñaa-wo-ñaa, niŋ ate wulita, ì buka jiki soto ì la baluwo la kuwo to kotenke.

Yosuwa 10:42

Ñiŋ mansoolu niŋ ì la bankoolu bee, Yosuwa ye ì noo a la wulinkamma kiliŋ dammaa le la, kaatu Yaawe Banisirayila la Alla le ye keloo ke Banisirayilankoolu ye.

Yosuwa 10:24

Kabiriŋ ì ye ñiŋ mansoolu samba naŋ Yosuwa ye, a ye Banisirayila kewolu bee kili ñoo kaŋ. Bituŋ a ko kelediŋ kuntiyolu a niŋ mennu be siloo kaŋ ye ko, “Ali naa jaŋ, ali ye ali sindafatoolu loo ñiŋ mansoolu kaŋolu kaŋ.” Bituŋ ì fintita naŋ, ì ye ì sindafatoolu loo ñiŋ mansoolu kaŋolu kaŋ.

Yuuba 19:9

Ate le ye n na fankoo bee taa, a ye horomoo bondi n kaŋ.

Yuuba 21:7

Muŋ ne ye a tinna moo kuruŋolu ka baluu noo, ì ye taa fo ì ye keebaayaa, aduŋ ì semboo ka tara lafaa kaŋ?

Yuuba 22:8

I ye i la semboo taa, aniŋ i la makaamoo ka bankoo kenoo bee taa.

Yuuba 34:20

Ì si faa noo le kataba kiliŋ. Suutoo teema, maasiiboo si boyi noo moolu kaŋ ne, ì ye kasaara. Alla si sembetiyolu yeemandi noo le, hadamadiŋ bulu maŋ maabee jee.

Yuuba 34:24

Ate le ka sembetii baalu la semboo janjaŋ, a maŋ hani ì la kuwo kisikisi. A ye naa doolu seyindi ì noolu to.

Yesaya 40:23

A ka maralilaalu la kuwolu jindi le, a ka duniyaa kantiyolu buruka.