Yuuba 11:20 - Mandinka Bible

²⁰ Bari moo kuruŋolu be ke la le ko finkintewolu, ì te sila je noo la, ì be bori la meŋ na. Ì hakiloo be tara la looriŋ saayaa doroŋ ne kaŋ.

Yuuba 11:20 ပူးပေါင်းရင်းမြစ်များ

5 Musa 28:65

Ali te kayira soto la wo bankoolu kaŋ, aduŋ ali te dahaa dulaa soto la. Yaawe be kijafaroo niŋ jikilateyoo le dundi la ali sondomoo kono aniŋ niitoora jawoo.

Yuuba 31:16

N nene maŋ fuwaaroolu bali feŋ na, ì suulata meŋ na m bulu. N nene maŋ furuyaamusoolu jikilateyindi.

Yuuba 17:5

Fo i be a ke kaŋ ne baŋ, ko kuma kotoomaa ye a fo ñaameŋ? Niŋ moo ye a teeroolu jamfaa tinewo kamma, a diŋolu ka toora le.

Hiburunkoolu 2:3

Wo to, ntolu duŋ? Ǹ si kana noo ñaadii le, niŋ ŋà ǹ ñaa kaasi ñiŋ ñoŋ kiisa baa la? Wo mu Maariyo faŋo le ti, meŋ ye ñiŋ kiisoo la kuwo bankee folooto, aduŋ moolu mennu ye a moyi, wolu ye a futandi m̀ ma le.

Amosi 2:14

Hani borinoolaa baa, a te kana noo la. Sembetiyo be ke la sembentaŋo le ti, aduŋ kelejawara fanaa te a faŋ niyo tanka noo la.

Niikuyaa Suukuwolu 4:17

Woyi nte! Ǹ tuta maakoyiroo koto fele la le, fo ǹ ñaalu korita. Ŋà koto feleroo ke banku le la meŋ maŋ ǹ tankandi noo.

Kuma Kotoomaalu 20:20

Niŋ i ye i baa niŋ i faa neŋ, i la lampoo be dubeŋ na le.

Kuma Kotoomaalu 10:24

Moo kuruŋo silata kuwo meŋ na, a be bula la a kono le, bari moo kendoo ye meŋ ŋaniya, wo le be ke la a ye.

Jabuuroolu 69:3

N korita wuuroo la le, fo n kaŋ konotoo jaata, n ñaalu dibita m ma kut, feŋ te fo n ka n na Alla la maakoyiroo meŋ batu.

Yuuba 34:22

Wo dibi te keriŋ, meŋ si junubelaa maabo noo Alla ma.

Yuuba 27:22

Foñoo ñiŋ si a taki, balafaa te meŋ to. A si a kata ka kana a semboo ma.

Yuuba 27:8

Muŋ jiki le si tara Alla ñaasilambaloo ye, niŋ Alla ye a niyo taa, a ye a siyo daŋ?

Yuuba 18:14

Ì ye ì bayi ka bo ì la tankoo tiriliisoo to, ì be sabatiriŋ daameŋ. Ì ye ì wafu naŋ, ka ì dii saayaa la, maasiiboo mansa.

3 Musa 26:16

m be ñiŋ kuwolu le ke la ali la: M be kasaaroo le jindi la ali kaŋ loodulaa kiliŋ, ka taa jankaroo, aniŋ kajewo meŋ ka ñaa dibindi, meŋ be ali suusuu la fo ali la baluwo ye baŋ. Ali si ali la fiifeŋolu fii kensenke, nafaa te tara la ali ye jee, kaatu ali jawoolu le be naa a domo la.

Yuuba 6:9

Muŋ ne ye a tinna Alla maŋ n teyiŋ-teyiŋ, a ye m bula, ŋa faa?

Yuuba 12:1

Bituŋ Yuuba naata jaabiroo ke ko:

Jabuuroolu 142:4

Ŋa m bulubaa karoo la juubee le ka koroosiroo ke, bari moo maŋ n kalamuta. Tankadulaa te n ye, moo maŋ n hati.

Kuma Kotoomaalu 10:28

Moo tilindiŋolu la jikoo ka labaŋ ì ye seewoo le la, bari moo kuruŋolu la jikoo ka ke ì ye kenseŋo le ti.

Yeremiya 25:35

Kantarilaalu te kunkedulaa soto la, sako koorewo ñaatonkoolu si kanadulaa soto.

Yuuba 3:21

Moo meŋ tarata saayaa baturiŋ, bari a maŋ naa a kaŋ, aduŋ a tarata a ñini kaŋ komeŋ sanoo.

Yuuba 3:22

Feŋ maŋ a kontaani ka tambi ka tara kaburu dinkoo kono.