Yuuba 11:17 - Mandinka Bible

¹⁷ Aduŋ i la baluwo kono, i si naa mala ko tiloo. I la baluwo diboo be ke la le komeŋ fanikee maloo.

Yuuba 11:17 ပူးပေါင်းရင်းမြစ်များ

Jabuuroolu 37:6

A be i la tiliŋo yitandi la le, a ye koyi lewu, aniŋ i boloo, komeŋ tilikuntewo.

Kuma Kotoomaalu 4:18

Moo tilindiŋo la siloo ka fanu le ko siilimboo meŋ ka fanu-fanu laalaa tiloo muumewo la.

Hoseya 6:3

Saayiŋ, ali ŋà ǹ na katoo daŋo bee ke, ka Yaawe loŋ, ka a la kuwo fahaamu. A be naa ǹ kaŋ ne, wo be koyiriŋ ne ko perekaanoo, a be naa la ǹ kaŋ ne ko, samaajiyo ka bankoo jiiboŋ ñaameŋ, samaa foloo niŋ samaa labaŋ jiyo.”

Malaki 4:2

Bari alitolu mennu ye n too kuliyaa, wo luŋo la tiliŋo be bo la ali ye le ko tiloo, a maloo ye ali jaara. Ali si sawuŋ-sawuŋ kontaanoo kamma la ko niŋ i ye ninsiriŋo bula, a be taa daañinoo la.

Jabuuroolu 112:4

Hani diboo kono maloo ka ke moo kendoo ye le, moo meŋ balafaa warata, a konotoo diyaata, aduŋ a tilinta.

Jabuuroolu 92:14

Hani ì kotoo waatoo la ì ka diŋ ne, ì ka tara faariŋ yiriwaa niŋ kereyaa la.

1 Taarika 29:10

Wo kamma la Dawuda ye Yaawe jayi jamaa bee ñaatiliŋo la, a ko: “Yaawe, m̀ mumu Isirayila la Alla, jayiroo be i ye fo abadaa.

Yuuba 11:18

I si taamaayaa soto, kaatu jikoo le be tara la i ye. I si tankoo soto, i ye i la foñondiŋo ke kayiroo kono.

Yuuba 22:26

Ate Alla Tallaa le be naa ke la i la seewoo sababoo ti, aduŋ i te malu la a ñaatiliŋo la.

Yuuba 22:28

I ye meŋ hame, a be ke la i ye le, aduŋ i taaraŋ siloolu si mala.

Yuuba 29:3

waatoo meŋ, a la neemoo tarata malariŋ n kaŋ, niŋ diboo dunta, a la maloo le ka n tambindi,

Jabuuroolu 97:11

A la beteyaa tilimaa le ka mala moo tilindiŋolu kaŋ, aduŋ seewoo be moolu le ye, tiliŋo be mennu sondomoo kono.