Yuuba 11:15 - Mandinka Bible

¹⁵ Wo to le i si i buloo wulindi noo santo, i te malu la. I si tankoo soto, i te sila la.

Yuuba 11:15 ပူးပေါင်းရင်းမြစ်များ

Yuuba 22:26

Ate Alla Tallaa le be naa ke la i la seewoo sababoo ti, aduŋ i te malu la a ñaatiliŋo la.

1 Yohana 2:28

Saayiŋ, n na dindiŋolu, ali sabati Yeesu Kiristu kono. Wo to le, niŋ a muruta naŋ, ǹ si dankeneyaa soto ka loo a ñaatiliŋo la, aduŋ ǹ te malu la.

1 Timoti 2:8

Wo to, niŋ Kiristu la kafoo moolu benta daa-wo-daa, n lafita le, kewolu si ì bulu senuŋolu wulindi santo ka duwaa, kamfaabaliyaa niŋ soosooribaliyaa kono.

2 Korintinkoolu 1:12

A mu ǹ ye kibiri kuwo le ti ko, ŋà m̀ faŋolu muta le daa-wo-daa, sako biriŋ m̀ be alitolu fee. M̀ baluuñaa seneyaata le, aduŋ a tilinta le ko Alla lafita a la ñaameŋ. Hani ǹ sondomoolu ka ñiŋ kuwo seedeyaa. M̀ buka baluu niŋ hadamadiŋyaa ñaameŋo la, bari Alla la hiinoo.

Kuma Kotoomaalu 28:1

Moo kuruŋo ka bori le, hani moo maŋ tara a nooma, bari moo tilindiŋo ka fatiyaa le ko jatoo.

Kuma Kotoomaalu 14:26

Moo meŋ silata Yaawe la, wo ye tankaraŋ tatoo le soto, aduŋ a be ke la a diŋolu ye tankaraŋo le ti.

Jabuuroolu 46:1

Alla le mu ǹ na tankandirilaa ti, ǹ jikiraŋ semboo. Maakoyirilaa le mu, meŋ ka tu sabatiriŋ m̀ fee koleyaa kono.

Jabuuroolu 27:1

Yaawe* le mu n na lampoo ti, aniŋ n na tankoo, m be sila la jumaa le la? Yaawe le mu n na baluwo tuukuraŋo ti, jumaa le la kuwo be n kija fara la?

Yuuba 10:15

Niŋ a ye a tara m boyita le, wo to kooroo boyita n kaŋ ne! Bari hani niŋ m boloota le fanaa, n te n sañoo wulindi noo la. Kaatu n dunta malu kuwo le kono, n tarata niitooroo kono.

1 Musa 4:7

Niŋ i ye kuu kendoo le ke, fo i la kuwo te muta la baŋ? Bari niŋ i maŋ kuu kendoo ke, junuboo le be tara la laariŋ i ñaato ka i batu. A la lafinna kuwo be ke la ñiŋ ne ti, ka i mara, bari ite le ñanta ate mara la.”

Jabuuroolu 27:3

Hani niŋ kelediŋ kafoo le ye n kuru, n kija te m fara la. Hani niŋ keloo le wulita n kamma, wo ñaa-wo-ñaa m be dankeneyaa la le.

Jabuuroolu 46:2

Ǹ te sila la hani niŋ bankoo jarajarata, konkoolu ye boyi baa baa kono,