Yuuba 11:14 - Mandinka Bible

¹⁴ I ye i la junube kuwolu landi kara la, mennu be i bulu, i kana soŋ kuu kuruŋo ye ke i yaa.

Yuuba 11:14 ပူးပေါင်းရင်းမြစ်များ

Yuuba 22:23

Niŋ i ye i faŋ seyi Alla Tallaa ma, i be muru la i ñaama le. Tilimbaliyaa kuwolu bee bondi i yaa.

Yankuba 4:8

Ali sutiyaa Alla la, aduŋ a fanaa be sutiyaa la ali la le. Alitolu junubelaalu, ali ali buloolu kuu! Hakilifulatiyolu, ali ali sondomoolu seneyandi!

Yesaya 1:15

Ali ye moolu mennu faa, ì yele noo be faariŋ ali buloolu bala le. Wo le ye a tinna niŋ ali ye ali buloolu wulindi ka duwaa, n te ali maafaŋo juubee la. Hani a ye a tara ali ye duwaa jamaa le ke, n te n lamoyi la.

Jabuuroolu 101:2

M be n hakilitu la le n kana sootaari soto n kekuwolu to. Muŋ tuma le i be naa nte kaŋ ka n karandi? M be taama la konotoseneyaa le la n na maralibuŋo kono.

Yuuba 34:32

N karandi kuu la, m maŋ meŋ je noo, niŋ ŋa kuu kuruŋo le ke, wo to n te a ke la kotenke.”

Yuuba 22:5

Hanii, i la kuu kuruŋolu le siyaajawuta, aduŋ i la junube kuwolu maŋ dandulaa soto.

Yuuba 4:7

Saayiŋ i hakiloo duŋ moo la baŋ, moo meŋ maŋ feŋ ke, a ye halaki? Moo tilindiŋo nene ka kasaara mintoo le?

1 Musa 4:7

Niŋ i ye kuu kendoo le ke, fo i la kuwo te muta la baŋ? Bari niŋ i maŋ kuu kendoo ke, junuboo le be tara la laariŋ i ñaato ka i batu. A la lafinna kuwo be ke la ñiŋ ne ti, ka i mara, bari ite le ñanta ate mara la.”

1 Samuweli 7:3

Bituŋ Samuweli ko Banisirayilankoolu bee ye ko, “Niŋ ali be muruŋ na Yaawe kaŋ niŋ ali sondomoo bee la, wo to ali ñiŋ alla koteŋolu, aniŋ Asitoreti* jalaŋolu fayi, ali ye ali ñaa tiliŋ Yaawe la ka a dammaa batu, bituŋ i si a je, a si ali bondi noo ñiŋ mantooroo kono, Filisitinkoolu ka meŋ ke ali la.”

2 Mansoolu 17:13

Yaawe ye Banisirayila niŋ Yahuuda dandalaa le kendeke, ka bo niŋ annabiyomoolu niŋ kiilaariyaamoolu bee la, Alla la dookuulaalu. A ye ñiŋ ne fo ì ye ko, ì si yelema ka bo ì la sila kuruŋolu kaŋ. Ì si a la yaamaroolu niŋ luwaalu muta ko a be a la Luwaa Kitaaboo* muumewo kono ñaameŋ, a ye ì mumuñolu yaamari meŋ na, ka a muta. Aduŋ a ye wo luwaa kiliŋo le dii ì fanaa la ka bo niŋ a la dookuulaalu la, annabiyomoolu.

Yuuba 8:6

niŋ i seneyaata, aduŋ i tilinta, a be koyiriŋ ne ko, a be i la kuwo juubee la le, aduŋ a be i seyindi la le ko i be ñaameŋ nuŋ.