Yuuba 1:15 - Mandinka Bible

¹⁵ bituŋ Sabeyankoolu ñapita ì kaŋ, ì ye ì samba, ì ye dookuulaalu faa niŋ hawusaroo* la. Nte doroŋ ne kanata ka naa a fo i ye.”

Yuuba 1:15 ပူးပေါင်းရင်းမြစ်များ

1 Musa 10:28

Obali, Abimayeli, Seba,

1 Musa 10:7

Kusi dinkewolu, wolu le mu Seba ti, Hawila, Sabuta, Raama aniŋ Sabuteka. Raama dinkewolu, wolu le mu Seba ti aniŋ Dedani.

1 Musa 25:3

Yokisani le mu Seba faamaa ti aniŋ Dedani. Bituŋ Dedani koomalankoolu, wolu le naata ke Asurinkoolu ti, Letusinkoolu aniŋ Lewummunkoolu.

Yuuba 1:14

kiilaa naata Yuuba kaŋ, a ko, “Ninsoolu be senoo la, faloolu be domoroo la ì daala,

Yuuba 1:19

Kataba kiliŋ, foño baa naata ka bo keñewuloo* kono, a ye buŋo tonkoŋ naanoo bee taki. Bituŋ a boyita dindiŋolu kaŋ, ì faata. Nte doroŋ ne kanata ka naa a fo i ye.”

Yuuba 6:19

Tema juloolu ye jii sotodulaalu ñini, Seba taamalaalu ye jiki.

Jabuuroolu 72:10

Tarisi mansoolu, aniŋ baajooyoolu la mansoolu si naamoo joo a yaa. Seba niŋ Seeba bankoolu la mansoolu si soorifeŋolu dii a la.

Yesaya 45:14

Yaawe ko Banisirayilankoolu ye ko: “Misirankoolu la naafuloo aniŋ Kusinkoolu* la marisandiisoo be ke la ali taa le ti. Sebankoolu la wo kee jaŋolu be ke la ali la joŋolu le ti. Ì be tara la bulariŋ ali nooma neejoloolu le daa. Ì be jimi la ali ye le, ì ye a fo ko, ‘Tooñaa-tooñaa, Alla be ali fee le, Alla koteŋ te keriŋ.’ ”

Esekiyeli 23:42

“Taramfaŋ bulu moolu niŋ maakaŋ baa le be ì fee jee, aniŋ kee siifaa jamaa, niŋ siiratoolu mennu bota naŋ keñewuloo* kono, ì ye bulutotaalu ke musoolu buloolu to, aniŋ ì ye ñarandiri feŋ ñiimaa baalu ke musoolu kuŋolu to.

Esekiyeli 24:26

Wo luŋo la le, keleborilaa doo be naa i kaŋ ka kibaaroolu fo i ye.

Yoweli 3:8

M be ali dinkewolu niŋ ali dimmusoolu duŋ na Yahuuda moolu bulu le, ì ye ì waafi Sabeyankoolu ma, banku jamfariŋ baa.” Yaawe le ye a fo.