Yoweli 1:14 - Mandinka Bible

¹⁴ Ali suŋ sahayaariŋo londi, ali ye beŋo kili. Ali alifaalu bendi Yaawe Batudulaa Buŋo to, ali la Alla, aniŋ bankoo siilaalu bee, ali ye woosii Yaawe ye.

Yoweli 1:14 ပူးပေါင်းရင်းမြစ်များ

2 Mansoolu 10:20

Bituŋ Yehu ko, “Ali beŋo kumandi Baali jalaŋo tooyaa la.” Wo le to ì ye a kankulaa.

2 Taarika 20:13

Yahuuda kewolu bee be looriŋ Yaawe ñaatiliŋo la, ì niŋ ì musuñolu aniŋ ì la dindiŋolu.

Nehemiya 8:18

Luŋ-wo-luŋ, ka bo tili foloo ka taa fo tili labaŋo, Esira ka Alla la Luwaa Kitaaboo doo karaŋ moolu ye le. Bituŋ tili seyinjaŋo la, moolu bee benta ka baturoo ke, ko luwaa ye a fo ñaameŋ.

Esita 4:16

“Taa i ye taa Yahuudoolu bee kafu ñoo ma mennu be Susa saatewo to, ali ye suŋ n ye. Ali kana domori ke, waraŋ ka i miŋ fo tili saba suutoo niŋ tiloo. N niŋ n na dookuulaa sunkutoolu be suŋ na le ko ali fanaa. Niŋ ñiŋ keta m be taa mansa yaa le, hani a ye a tara luwaa maŋ soŋ a la. Niŋ m be kasaara la, n si kasaara.”

Yeremiya 14:2

“Yahuuda bee be kumboo kaŋ, a saatewolu moolu be koririŋ ne. Jee moolu be laariŋ bankoo to niitooroo kono, aduŋ Yerusalaamu lembakaŋo taata santo le.

Yeremiya 36:9

Yehoyakimu la mansayaa sanji luulunjaŋo kari konontonjaŋo kono le, ì ye a kankulaa ko moo bee si suŋ, fo Yaawe si kaayaa ì ye. Wolu le mu moolu ti mennu be sabatiriŋ Yerusalaamu, aniŋ mennu bota naŋ Yahuuda saatee koteŋolu to taariŋ.

Yoweli 1:2

Alitolu alifaalu, ali i lamoyi ñiŋ na. Ali ali tuloo loo, bankoo siilaalu bee! Fo ñiŋ siifaa nene keta ali tiloo la le baŋ, waraŋ ali mumuñolu tiloo la?

3 Musa 23:36

Tili woorowula kono, luŋ-wo-luŋ ali si kali sadaalu bondi nte Yaawe ye, ka bo niŋ dimbaa la. Tili seyinjaŋ luŋo la, ali si beŋ ñoo kaŋ ka m batu kotenke, ka sadaalu bondi n ye ka bo niŋ dimbaa la. Baturoo le mu ka juuraloo kumfaa. Ali kana dookuu ke.

Yunusa 3:5

Ninewenkoolu laata Alla la ñiŋ kiilaariyaa la le. Bituŋ ì ye ñiŋ fo ko, moo-wo-moo ñanta suŋ na le, aduŋ moolu bee biriŋ moondiŋ fo moo baa ì ye booto funtoo duŋ ka ì la tuuboo yitandi.

Yunusa 3:8

Moolu niŋ daafeŋolu bee ñanta booto funtoo le siti la. Moo-wo-moo ye a faŋ seyi Alla ma, a ye a daani. Ì si ì koo dii ì la sila kuruŋolu la aniŋ ì la fitinoo.

Sefaniya 2:1

Alitolu banku moo malubaloolu, ali ali faŋo loŋ, ali ye ali faŋ kaañaŋ,