Yosuwa 9:20 - Mandinka Bible

²⁰ M̀ be meŋ ke la ì la, wo le mu ñiŋ ti: ǹ kana kaloo tiñaa ka ì faa. I si a je, Alla la kamfaa te futa la m̀ ma.”

Yosuwa 9:20 ပူးပေါင်းရင်းမြစ်များ

Malaki 3:5

Yaawe Alihawaa Maariyo ye ñiŋ ne fo ko, “M be naa ali kaŋ ne ka ali kiitindi. M be tariyaa la ka batuutaatiyolu le la kuwo yitandi, jeenelaalu, seedenduroolu, moolu mennu ka ì la dookuulaalu la joo nakari, moolu mennu ka furuyaamusoolu toorandi, aniŋ aliyatiimoolu, moolu mennu buka tooñaa sabatindi ì niŋ tumarankewolu teema, ì maŋ sila n na.

Kuma Kotoomaalu 20:25

Moo maŋ ñaŋ na ñaamootoo tawoo taa la Yaawe ye, a taariŋ koolaa, a ye naa nimisa.

1 Timoti 1:10

laañooyaa tulunnaalu, luutikankewolu, moo suuñaalaalu, faniyaa folaalu, aniŋ moolu mennu ka i kali faniyaa kaŋ, aniŋ mennu ka kuu-wo-kuu ke, meŋ niŋ karandiri tooñaa maŋ taa ñoo la.

Roomankoolu 1:31

Ì maŋ hakiloo soto, ì mu fisiriwallewolu le ti, ì maŋ mooyaa sako ka balafaa soto.

2 Taarika 36:13

Aduŋ fanaa, a ye balaŋo tiliŋ Mansa Nebukanesa la, meŋ ye a kalindi nuŋ Alla too la ka foroyaa a ma. A ye a faŋo kaŋo jandi, aduŋ a ye a jusoo fanaa jandi, a maŋ soŋ na muru la Yaawe kaŋ, Banisirayila la Alla.

Yosuwa 9:19

Bari ñiŋ ñaatonkoolu naata ì jaabi, ì ko ì ye ko, “Ŋà n kali ì ye Yaawe too la, Banisirayila la Alla, aduŋ saayiŋ ǹ te ì maa noo la.

Yosuwa 9:21

Ñaatonkoolu tententa ka diyaamu, ì ko, “Ali ŋà ì bula, ǹ kana ì faa, bari ǹ si ì ke ǹ na moolu ye looñinilaalu ti, aniŋ jiibiilaalu.” Banisirayilankoolu la ñaatonkoolu ye ñiŋ kumakaŋo le fo ì ye.