Yosuwa 9:19 - Mandinka Bible

¹⁹ Bari ñiŋ ñaatonkoolu naata ì jaabi, ì ko ì ye ko, “Ŋà n kali ì ye Yaawe too la, Banisirayila la Alla, aduŋ saayiŋ ǹ te ì maa noo la.

Yosuwa 9:19 ပူးပေါင်းရင်းမြစ်များ

Kawandilaa 8:2

N ko, i si bula mansakewo la kaŋo nooma, kaatu i kalita wo le la Alla ñaatiliŋo la.

Yeremiya 4:2

Niŋ i ka kali tooñaa, tiliŋo, aniŋ foroyaa le kaŋ, ì ka kali meŋ na ko, ‘A be koyiriŋ ñaameŋ ko Yaawe be baluuriŋ ne,’ wo to bankoolu be neemoo duwaa la ì faŋolu ye nte too le la, n na kuwo ye ke ì ye ŋaañaaraŋo ti.”

Kawandilaa 9:2

Ì bee labaŋo ka ke kiliŋ ne ti: A moo tilindiŋ-wo, a moo jawu-wo, a kende-wo, a kuruŋ-wo, a moo senuŋ-wo, a kosoriŋ-wo, a sadaabolaa-wo, waraŋ a sadaabobali. A be moo kendoo ye ñaameŋ, a be junubelaa fanaa ye wo le ñaama. A be kalilaa ye ñaameŋ, a be moo fanaa ye wo le ñaama, meŋ ka sila a ke la.

Yosuwa 9:20

M̀ be meŋ ke la ì la, wo le mu ñiŋ ti: ǹ kana kaloo tiñaa ka ì faa. I si a je, Alla la kamfaa te futa la m̀ ma.”

Yosuwa 9:18

Bari Banisirayilankoolu maŋ naa ì kelendi, kaatu ì la ñaatonkoolu ye i kali ñiŋ moolu ye Yaawe too le la, Banisirayila la Alla. Bituŋ Banisirayilankoolu bee ye ì la ñaatonkoolu jalayi.