Yosuwa 8:20 - Mandinka Bible

²⁰ Kabiriŋ Ayinkoolu ye ì kooma fele, ì ye siisii baa je minaayoo bala ka bo ì la saatewo kono, bari ì maŋ sila soto, ì si kana daameŋ, ñaato nte, kooma nte. Kaatu Banisirayilankoolu mennu be bori kaŋ ì ñaato ka taa keñewuloo maafaŋo la, naata muru ì kaŋ naŋ ne ka ì kele.

Yosuwa 8:20 ပူးပေါင်းရင်းမြစ်များ

Lankenemoo 19:3

Ì ko kotenke ko: “Haleluyaa! A be tooroo dimbaa meŋ kono, wo siisiyo ka taa santo le, fo abadaa.”

Lankenemoo 18:9

Duniyaa mansoolu mennu niŋ a ka laañooyaa niŋ a la niidiyaa kuwolu ke, wolu be kumboo la le, ì ye woosii, niŋ ì ye a la janoo siisiyo hayinaŋ.

Yesaya 34:10

A be tu la malariŋ ne suuto tili, a te faa la, a siisiyo be tii la santo le fo abadaa. Ka bo jamaani ka taa jamaani, a be tara la kenseŋyaariŋ ne, moo nene te tambi la niŋ jee la kotenke.

Jabuuroolu 76:5

Ì ye i jawu kelediŋ fatiŋolu bulu kenseŋo londi le. Saayiŋ ì be laariŋ siinoo kunimbaloo le kono. Wo kelejawaroolu kiliŋ te a buloo wulindi noo la.

Yuuba 11:20

Bari moo kuruŋolu be ke la le ko finkintewolu, ì te sila je noo la, ì be bori la meŋ na. Ì hakiloo be tara la looriŋ saayaa doroŋ ne kaŋ.

1 Musa 19:28

A ye duuma juubee Sodomu niŋ Komora maafaŋo la, aniŋ wulumbaŋo to maafaŋo bee la, a ye siisiyo je budubudu la bankoo bee kaŋ, komeŋ siisiyo ka bo faroo la ñaameŋ.

Yosuwa 8:19

kewolu mennu ye deleŋo laa, ì bee tariyaatoo wulita naŋ ka bo ì bitidulaa. Bituŋ ì tariyaatoo tambita ñaato, ì dunta saatewo kono. Ì ye jee muta, kataba kiliŋ ì ye dimbaa duŋ a la.

Yosuwa 8:21

Kabiriŋ Yosuwa niŋ Banisirayilankoolu ye a je ko, mennu ye deleŋo laa, ì ye saatewo muta le, aduŋ siisiyo ka bo saatewo ñiŋ ne kono, ì muruta ì koo la ka Ayinkoolu kele.

Kiitindirilaalu 20:38

Banisirayilankoolu la kelediŋ kafu baa faŋo, aniŋ kelediŋolu mennu ye deleŋo laa, benta kaŋ to ñiŋ ne la ko, ì be dimbaa le mala la, siisii baa ye wuli santo ka bo saatewo ñiŋ kono.

Kiitindirilaalu 20:40

Bituŋ siisii baa naata wuli saatewo kono. Kabiriŋ Benjamini lasiloo moolu ye ì kooma juubee, ì ye siisiyo je budubudu la saatewo karoo bee la, a be wuli kaŋ santo.

Kiitindirilaalu 20:41

Kabiriŋ Banisirayilankoolu muruta naŋ ì koolaa, Benjamini lasiloo moolu kijoo farata, kaatu ì ye a je le ko, kasaaroo le ka naa ì kaŋ.