Yosuwa 8:14 - Mandinka Bible

¹⁴ Kabiriŋ Ayi mansa ye ñiŋ je, a niŋ kewolu mennu bee be saatewo kono, ì tariyaatoo fintita soomandaa juunoo, ì ye ì ñaa tiliŋ Araba* tundoo maafaŋo la ka taa Banisirayilankoolu benduŋ keloo la. Bari a maŋ a loŋ ko, kelediŋolu ye deleŋo le laa saatewo ñiŋ kooma, ì pareeriŋo.

Yosuwa 8:14 ပူးပေါင်းရင်းမြစ်များ

Matiyu 24:39

Moolu maŋ feŋ kalamuta, fo waamoo naata, a ye ì bee kasaara. Moo Dinkewo la naa fanaa be ke la wo le ñaama.

2 Pita 2:3

Ì la hadumoo kamma la, ì be ali la naafuloolu buusi la ali bulu niŋ faniyaa kumoolu la. Bari ì la yankankatoo be pareeriŋ ne kabiriŋ waati jaŋ koomanto, aduŋ ì la kasaaroo be ì batu kaŋ ne.

Matiyu 24:50

Wo dookuulaa maariyo be naa la luŋo le la, a maŋ i yillaa a ma meŋ na.

Daniyeli 4:31

Janniŋ a be ñiŋ kumoo baŋ na fo la doroŋ, kumakaŋo bota naŋ santo, meŋ ko, “Ite Mansa Nebukanesa, i lamoyi m be meŋ fo la i ye. Saayiŋ, ŋa mansamarali bankoo buusi i bulu le.

Yesaya 19:13

Sowani maralilaalu keta toolewolu le ti, Memfisinkoolu la ñaatonkoolu ye ì faŋ neenee, siyolu la maralilaalu ye Misira filindi le.

Yesaya 19:11

Sowani maralilaalu maŋ ke feŋ ti fo toolewolu. Firawoona la moo ñaamendiŋolu ka yaamari nafantaŋo le dii. Ì be a fo la noo Firawoona ye ñaadii le ko, itolu mu moo ñaamendiŋolu la karandiŋolu le ti, mansa foloolu koomalankoolu?

Kawandilaa 9:12

Moo le buka a loŋ a la waatoo be sii la waati meŋ na: Ko ñewo ka saŋara duŋ jaloo daa ñaameŋ, waraŋ ko kunoo ka duŋ ŋaliŋo daa ñaameŋ, maasiiboo fanaa ka barambarantoo boyi hadamadiŋo kaŋ wo le ñaama.

Yosuwa 8:16

Bituŋ ì ye saatewo kewolu bee kumandi ñoo la ka ì bayi. Ì la Yosuwa bayindoo ye a saabu, ì bee fintita ka bo saatewo kono.

Yosuwa 8:5

Bituŋ nte niŋ kelediŋolu mennu bee be n nooma, ntolu be saatewo ñiŋ waliŋ na le. Niŋ saatee moolu fintita naŋ ka ǹ kele, ko ì ye a ke nuŋ ñaameŋ foloo, m̀ be m̀ faŋ borindi la ì la le.

5 Musa 1:1

Ñinnu le keta kumoolu ti, Musa ye mennu fo Banisirayilankoolu bee ye, biriŋ ì be nuŋ keñewuloo kono Yoridani Boloŋo tiliboo la. Ì be Araba* tundoo le kaŋ Sufu ñaatiliŋo la, Parani saatewo niŋ ñiŋ saatewolu teema: Tofeli, Labani, Haseroti, aniŋ Disahabu.

Yosuwa 8:13

Ì ye kelediŋolu londi ì la loodulaalu to teŋ ne: mennu bee be daakaa kono, wolu taata saatewo maraa karoo la, ì ye doolu bitiŋ-bitindi a tilijii karoo la. Wo suutoo la, Yosuwa faŋo taata wulumbaŋo kono.

Yosuwa 8:15

Yosuwa niŋ Banisirayilankoolu bee ye ì faŋ ke le ko ñinnu le ye ì noo, bituŋ ì ye ì faŋ borindi keñewuloo* maafaŋo la.

Kiitindirilaalu 20:37

Kelediŋolu mennu ye deleŋo laa, wulita kataba kiliŋ ka Kibeya saatewo kele, ka a moolu bee faa niŋ hawusaroo la.