Yosuwa 4:23 - Mandinka Bible

²³ Yaawe ali la Alla le ye Yoridani Boloŋo jandi ali ye, fo ali bee teyita. Yaawe ali la Alla ye meŋ ke Yoridani Boloŋo la, a ye wo siifaa le fanaa ke nuŋ Kulunjumbe Baa la, ka a jandi ǹ ye, fo m̀ bee teyita.

Yosuwa 4:23 ပူးပေါင်းရင်းမြစ်များ

2 Musa 14:21

Wo to le Musa ye a buloo coodi baa kunto, aduŋ wo suutoo muumee Yaawe ye foño baa wulindi tiliboo la, a ye baa yelemandi banku jaaroo ti. Jiyo talaata fula ti,

Yesaya 43:16

Waati jaŋ koomanto, Yaawe ye siloo ke baa kono, a ye taamadulaa ke fankaasoo kono.

Jabuuroolu 78:13

Alla ye baa fara le ka ì tambindi a teema la. A ye baajiyo moolondi le, a loota komeŋ sansaŋo.

Nehemiya 9:11

I ye baa baa fara i la moolu ye le, ka ì teyindi a kono, banku jaaroo kaŋ. I ye ì bayindilaalu fayi diinoŋñaa kono le, komeŋ berediŋo baajii saŋaroo kono.

1 Mansoolu 8:43

i si i lamoyi a la ka bo Arijana kono, i taradulaa. Luntaŋo ñiŋ ye kuu-wo-kuu daani i si a ke. Niŋ wo keta duniyaa moolu bee si i too loŋ. Ì si sila i la, komeŋ i la moolu Banisirayilankoolu, aniŋ fanaa ì si a loŋ ko, ŋa ñiŋ buŋo meŋ loo i too le be a kunna.

2 Musa 15:19

Kabiriŋ Firawoona la suwoolu, keleraŋ sareetoolu aniŋ suuborindilaalu dunta baa kono, Yaawe ye baajiyo murundi ì kaŋ, bari Banisirayilankoolu taamata banku jaaroo le kaŋ baa kono.