Yosuwa 3:6 - Mandinka Bible

⁶ Yosuwa ko piriisoolu ye ko, “Ali Kambeŋ Kunewo taa, ali ye a tambindi moolu ñaato.” Bituŋ ì ye a sika santo teŋ ne, ì tambita moolu ñaato.

Yosuwa 3:6 ပူးပေါင်းရင်းမြစ်များ

Mika 2:13

Alla le be siloo yele la, a ye tambi ì ñaato, bituŋ ì ye a nooma. Ì ye tambi niŋ saatee dundaŋ daa la, ì ye finti. Ì la Mansa, Yaawe faŋo le be tambi la ì ñaato.

Yosuwa 3:3

ka kaŋo dii moolu la ko, “Niŋ ali ye Yaawe* ali la Alla la Kambeŋ Kunewo* je, piriisoolu* mennu mu Lewi lasiloo ti, be a samba kaŋ, ali ñanta wutu la le ka bo ali be daameŋ to, ka bula a nooma.

4 Musa 14:15

Saayiŋ niŋ i ye i la moolu bee faa, bankoolu mennu ye i la mansabaayaa darajoo moyi, be a fo la le ko,

4 Musa 10:33

Bituŋ ì wulita ka bo Sinayi Konkoo to ka taamasiloo muta fo tili saba. Ñiŋ tili saboo bee kono, Yaawe la Kambeŋ Kunewo* le tambita ì ñaato ka dulaa ñini ì ye, ì be daakaa la daameŋ.

Hiburunkoolu 6:20

Wo mu dulaa le ti, Yeesu dunta daameŋ ka ke sila ñaatonkoo ti ntolu ye, baawo a naata ke badaa-badaa piriisi* kuntii baa ti, ko Melikisedeki la piriisiyaa be ñaameŋ.

Yosuwa 3:5

Yosuwa ko ñiŋ moolu ye ko, “Ali ali faŋolu seneyandi, kaatu saama Yaawe be kaawakuwo le yitandi la ali la.”

Yosuwa 3:7

Bituŋ Yaawe naata a fo Yosuwa ye ko, “M be i dawuloo wulindi la Banisirayilankoolu bee ñaatiliŋo la le jaŋ bii, fo ì si ñiŋ loŋ ko, m be i fee le, ko m be nuŋ Musa fee ñaameŋ.

1 Mansoolu 8:3

Kabiriŋ Banisirayila alifaalu bee naata, piriisoolu* ye Yaawe la Kambeŋ Kunewo sika,

2 Taarika 5:4

Kabiriŋ Banisirayila alifaalu bee naata, Lewi lasiloo moolu ye Kambeŋ Kunewo sika,

Yosuwa 6:6

Wo le to Yosuwa Nuni dinkewo ye piriisoolu kili, a ko ì ye ko, “Ali Yaawe la Kambeŋ Kunewo sika, ali ye piriisi woorowula tomboŋ. Ì bee kiliŋ-kiliŋ naa niŋ binoo ye taa Kambeŋ Kunewo ñaatiliŋo la.”