Yosuwa 3:15 - Mandinka Bible

¹⁵ Waamoo le ka tara Yoridani Boloŋo to sanjaanoo muumewo bee. Bari hani wo, kabiriŋ piriisoolu mennu ka Kambeŋ Kunewo samba, futata Yoridani Boloŋo ma, ì siŋo ye jiyo maa doroŋ,

Yosuwa 3:15 ပူးပေါင်းရင်းမြစ်များ

1 Taarika 12:15

Itolu le ye Yoridani Boloŋo teyi tumoo meŋ na, waamoo woyita boloŋ kankuŋo bee la. Aduŋ ì ye moolu boyinkaŋ ka ì janjandi mennu be boloŋ wulumbaŋo tilibo niŋ a tilijii karoo bee la.

Yeremiya 49:19

“Ko niŋ jatoo bota naŋ ñunkoo kono, Yoridani sutoo kono, ka naa boyinkaŋo la, Edomu beeyaŋ daañini dulaalu to, m be a moolu bayi la a bankoo kaŋ wo le ñaama, kataba kiliŋ. Ŋa moo-wo-moo tomboŋ, wo le be a mara la. Jumaa le niŋ nte si tembe noo, ka i loo m fee? Ñaatonka jumaa le si loo noo n ñaato?

Yeremiya 12:5

Yaawe ye jaabiroo ke ko: “Niŋ i niŋ moolu ye boroo ke, ì ye i korindi, i niŋ suwoolu si boroo ke noo baŋ? Niŋ i ka busandi kene fanuŋo to, silaŋ i be ke la sutoo kono ñaadii le Yoridani Boloŋ daala?

Yosuwa 4:18

Bituŋ piriisoolu fintita naŋ Yoridani Boloŋo kono, ì niŋ Yaawe la Kambeŋ Kunewo, ì be meŋ samba kaŋ. Ì la ì siŋo loo banku jaaroo kaŋ doroŋ boloŋo kankuŋo la, Yoridani Boloŋ jiyo seyita a ñaama. A woyita a kankuŋolu la kotenke.

Yosuwa 3:13

Yaawe le mu duniyaa bee Maarii ti. Niŋ piriisoolu mennu ka a la Kambeŋ Kunewo samba, ye ì siŋo bula Yoridani Boloŋ jiyo kono doroŋ, jiyo la boroo be loo la le. A ye kafu ñoo ma dulaa kiliŋ, a samasimmaa ye loo.”

Yesaya 26:6

Siŋolu le doriŋ-dorinta a bee kaŋ, fuwaaroolu sindafatoo, sembentaŋolu siŋ teetewo.

2 Mansoolu 2:6

Wo to le Eliya ko a ye tukuŋ ko, “Tu jaŋ, Yaawe ye n kii Yoridani Boloŋo le to.” Elisa ye a jaabi ko, “A be koyiriŋ ñaameŋ ko Yaawe be baluuriŋ ne, aniŋ ite faŋo, nte te bo la i bala.” Bituŋ ì moo fuloo taata ñoo la Yoridani.

Nahumu 1:4

A si baa yaamari a ye jaa, a ye boloŋolu bee fanaa jandi, Basani la beeyaŋ daañini dulaa kendoolu ye noro, aniŋ Karimeli yiroolu, Libanooni fiifeŋ firoolu ye jiraŋ.

1 Taarika 12:16

Kee kafu doolu le bota Benjamini niŋ Yahuuda lasiloo kelediŋolu kono ka kafu Dawuda ma, a la tatoo to.