Yosuwa 3:1 - Mandinka Bible

¹ Wo saamoo Yosuwa niŋ Banisirayilankoolu bee wulita soomandaa juunoo. Ì bota Sitimu, ì be daakaariŋ daameŋ ka taa Yoridani Boloŋo to. Ì sabati jee le, janniŋ ì be boloŋo teyi la.

Yosuwa 3:1 ပူးပေါင်းရင်းမြစ်များ

Yosuwa 2:1

Bituŋ Yosuwa Nuni dinkewo ye kullooñinilaa fula kii, ka bo ì la daakaa to, meŋ be Sitimu. A ko ì ye ko, “Ali taa kullooñini ke Kanaani bankoo la kuwo keñaa la, sako Yeriko saatewo faŋo.” Kabiriŋ ì futata saatewo kono, ì dunta cakamusoo doo le la buŋo kono, ì ka a fo meŋ ye ko Rahabu, ka suutoo laa jee.

Maaka 1:35

Wo saamoo soomandaa juunoo, janniŋ siiliŋo ka bo, Yeesu wulita. A taata duwaa la dulaa kiideeriŋo to.

Mika 6:5

N na moolu, ali i miira Balaki Mowabi mansa ye feeroo meŋ siti ali kamma nuŋ, aniŋ Balaamu Bewori dinkewo ye a jaabi ñaameŋ. Ali i miira ali la taamasiloo la, ka bo Sitimu ka taa Kilikali, ali be a kalamuta la le, nte Yaawe ye baara kendoolu mennu ke.”

Yeremiya 26:5

Ali i lamoyi n na dookuulaalu, annabiyomoolu la kumoolu la. N ka tu ì kii la ali kaŋ ne, bari hani wo, ali maŋ i moyi.

Yeremiya 25:3

Sanji muwaŋ niŋ saba kontoo la, kabiriŋ Yahuuda mansakewo Yosiya, Amoni dinkewo la mansayaa sanji taŋ niŋ sabanjaŋo la, ka naa fo bii, Yaawe* la kumoo tarata naa la n kaŋ ne. N tuta a fo la ali ye le, bari ali maŋ i lamoyi a la.

Yeremiya 7:13

Alitolu ye wo ñoŋ kuu jawoolu le ke tukuŋ. N tuta diyaamu la ali ye le, bari ali maŋ i lamoyi n na. Ŋa ali kumandi le, bari ali maŋ soŋ na n danku la.” Yaawe le ye a fo.

Jabuuroolu 119:60

Ŋa m bambaŋ ne, aduŋ m maŋ tonkutonku fereŋ, ka i la yaamaroolu muta.

4 Musa 25:1

Banisirayilankoolu la sabatoo waatoo la Sitimu, kewolu ye a dati le ì niŋ Mowabi musoolu ka laañooyaa tuluŋo ke.

1 Musa 22:3

Wo saamoo soomandaa Iburayima wulita juuna. A ye sadaa ñiŋ janiraŋ loo bee kuntu. A ye a la faloo dunindi. Bituŋ a niŋ a dinkewo Isiyaaka wulita ka taa dulaa ñiŋ to, Alla ye meŋ na kuwo fo a ye. A niŋ a la dookuulaa moo fula le fanaa taata ñoo la.

1 Musa 21:14

Wo saamoo soomandaa Iburayima wulita juuna, a ye mbuuroo taa, aniŋ sufura bootoo, jiyo be meŋ kono. A ye a laa Hajara sañoo kaŋ. A ye dindiŋo ñiŋ dii a la, a ye a bula ka taa. Hajara bota jee teŋ ne ka yaayi Beeriseba keñewuloo* kono.

Yosuwa 6:12

Wo saamoo soomandaa, Yosuwa wulita juuna, bituŋ piriisoolu ye Yaawe la Kambeŋ Kunewo sika.

Yosuwa 6:15

Bituŋ tili woorowulanjaŋ luŋo fanikewo la, ì sorita ka saatewo ñiŋ muruŋ-muruŋ ko ì dalita a ke la ñaameŋ, fo siiñaa woorowula. Bari ñiŋ luŋo dammaa le mu, ì ye saatewo muruŋ-muruŋ siiñaa woorowuloo la.

Yosuwa 7:16

Wo saamoo soomandaa juunoo, Yosuwa ye Banisirayila lasiloolu kili ka naa kiliŋ-kiliŋ. Bituŋ Yahuuda lasiloo le yitandita.

Yosuwa 8:10

Wo saamoo soomandaa, Yosuwa ye a la kelediŋolu bee bendi ñoo kaŋ, a niŋ Banisirayila ñaatonkoolu tambita ì ñaato ka taa Ayi.

Kiitindirilaalu 20:19

Bituŋ Banisirayilankoolu wulita soomandaa, ì ye daakaa loo Kibeya saatewo daala.

1 Samuweli 17:20

Wo saamoo soomandaa juunoo Dawuda wulita, a ye saajiyolu tu moo doo bulu ka ì kanta. A ye domoroo taa, a taata, ko Yese ye a fo a ye ñaameŋ. A be futa la daakaa to doroŋ, a ye a tara, Banisirayilankoolu pareeriŋo be wuuri la santo, ka taa keloo la.